26 снежня 2019 года ў горадзе Дзятлаве, ва ўстанове культуры “Дзятлаўскі дзяржаўны гісторыка-краязнаўчы музей” прайшло пасяджэнне камісіі па разглядзе конкурсных матэрыялаў эскізных праектаў помніка Канстанціну Іванавічу Астрожскаму.
Камісіяй былі вылучаны чатыры прэтэндэнты пад нумарамі 1356, 2791, 1999, 1474.Большасцю галасоў першае месца з правам рэалізацыі праекта вызначана нумару 1356 (творчая група: скульптар Лук Павел Іванавіч, архітэктар Мацкевіч Ала Мар’янаўна). Другое месца атрымаў нумар 1474 (аўтарскі калектыў: мастак-скульптар Кандрацьеў Дзяніс Уладзіміравіч, архітэктар Лушчэўская Юлія Сяргееўна). Трэцяе месца па колькасці галасоў атрымаў нумар 2791(аўтарскі калектыў: скульптар Сарокін Аляксей Міхайлавіч, скульптар Шаціла Алесь Пятровіч, архітэктар Багаткіна Ганна Юр’еўна). Да ўсіх прэтэндэнтаў камісія пералічыла заўвагі (рэкамендацыі).
У выпадку адмаўлення ад выканання заўваг (рэкамендацый) нумарам 1356 права рэалізацыі праекта пераходзіць да прэтэндэнта пад нумарам 1474. У выпадку адмаўлення ад выканання заўваг, зробленых камісіяй па праекце нумару 1474, права рэалізацыі пераходзіць да прэтэндэнта пад нумарам 2791.
Камісія выказвае падзяку ўсім канкурсантам за ўдзел у конкурсе.
Аддзел ідэалагічнай работы, культуры і па справах моладзі Дзятлаўскага райвыканкама