Чацвёрты дзень у аздараўленчым лагеры “Летняя акварэлька” Вензавецкага дзіцячага сада-сярэдняй школы прайшоў пад дэвізам “Знай правілы бяспекі як табліцу множання”. З раніцы медыцынскі работнік правяла з выхаванцамі аздараўленчыя мерапрыемствы па захаванню здароўя і бяспечных паводзін у час летніх канікул.
Выхавацелі Аксана Роўба і Жанна Свіб запрасілі вучняў на вэб-квэст “З камп’ютарам на “ты”, пасля якога для рабят быў праведзены конкурс малюнкаў “Палітра бяспекі”.
Усе хлопчыкі і дзяўчынкі паказалі, што правілы бяспекі яны ведаюць і прытрымліваюцца іх. Выхаванцы атрадаў разам са сваімі выхавацелямі правялі аперацыю “Чысціня маёй вёскі” у рамках акцыі “Малая радзіма: эстафета карысных справаў”. Завяршыла лагерны дзень музычна-гульнявая праграма “Вясёлы калейдаскоп”, якая была праведзена сумесна з работнікам СДК Чаславам Свібам.
Для хлопчыкаў і дзяўчынак былі падрыхтаваны музычныя конурсы, рухомыя гульні, дыскатэка. Выхаванцы змаглі не толькі папоўніць свае музычныя веды, але і актыўна адпачыць.
Старшы выхавацель Святлана Буйко,
дырэктар лагера Таццяна Ражко