У рамках абласнога моладзевага марафону ГА «БРСМ» «Жыць здорава!», скіраванага на фарміраванне ў моладзі разумення каштоўнасці жыцця і здароўя, на Дзятлаўшчыне прайшлі раённыя спаборніцтвы па міні-футболе сярод навучэнцаў установаў адукацыі.
Сустрэчу на футбольнай пляцоўцы арганізавалі раённы аддзел адукацыі, спорту і турызму райвыканкама, Дзятлаўскі раённы фізкультурна-спартыўны клуб, раённы камітэт ГА «БРСМ».
На полі сіламі мераліся тры каманды юнакоў.
Напрыканцы спаборніцтваў прызавыя месцы размеркаваліся наступным чынам: прерамагла каманда «Маладзёжка», другое месца занялі футбалісты каманды «Юнацтва», трэцяе — каманда «Фартуна».
Удзельнікі сустрэчы атрымалі граматы ад раённага аддзела адукацыі, спорту і турызму райвыканкама і салодкія прызы ад раённага камітэта ГА «БРСМ».
К. Хілімончык,
першы сакратар раённага камітэта ГА»БРСМ»