На такіх людзях трымаецца Зямля
Мы, пацыенты Наваельнянскай бальніцы, аформленыя на сацыяльныя ложкі, — старыя, нямоглыя людзі. Аднак нас не пакідаюць сам-насам з праблемамі і хваробамі.
Пра нас клапоціцца добрай душы чалавек, выдатны, уважлівы доктар — Вольга Мікалаеўна Шмыгіна. Яна не дае нам упасці духам, адчуць сябе непатрэбнымі. Ветлівая і ўважлівая, Вольга Мікалаеўна ўмее падбадзёрыць і суцешыць кожнага, дапамагчы не толькі лекамі, але і добрым словам. Мы заўсёды чакаем яе з нецярпеннем. Калі Вольга Мікалаеўна заходзіць у палату, ад яе прысутнасці ўсім становіцца лягчэй. У яе шчырае, добрае сэрца і невычэрпнае цярпенне. Дзякуй Богу, што ён пасылае такіх добрых дактароў цяжкім ляжачым хворым.
Мы жадаем Вользе Мікалаеўне пражыць доўгае жыццё, каб яна змагла дапамагчы многім-многім сваім пацыентам. Гэта доктар ад Бога, бо яна ўмее і лячыць, і выслухаць, і падтрымаць шчырымі словамі, якія ідуць ад сэрца. Яна, як сонейка, ад якога ўсім на душы становіцца цяплей.
Наогул, нам шанцуе на добых людзей побач. У нас уважлівыя медыцынскія сёстры і санітаркі, сярод якіх варта назваць Таццяну Юзэфаўну Болтач.
Мы верым, што Бог не праходзіць міма старанных і добрых людзей, а таму жадаем медыцынскаму персаналу Наваельнянскай бальніцы шчаслівага жыцця, здароўя і дабрабыту.
Т. ДОЛБНЯ, В. САЎКО, Т. КАСКО
