Агульнавядома, што рух з’яўляецца асноўным стымулятарам жыццядзейнасці арганізма чалавека. Пры добрай фізічнай форме актыўна працуюць сэрца, лёгкія, крывяносныя сасуды, мышцы, а з-за недастатковай фізічнай актыўнасці ў людзей з’яўляюцца хваробы сардэчна-сасудзістай і стрававальнай сістэмаў, захворванняў нервовай сістэмы і касцёва-мышачнага апарата, аслабленне ахоўных сілаў арганізма.
Фізічныя практыкаванні – гэта любая мышачная актыўнасць, якая дазваляе падтрымліваць добрую фізічную форму. Такія практыкаванні (асабліва бег) выклікаюць павелічэнне мышачнай масы і шчыльнасці касцей.
Людзі, якія рэгулярна займаюцца фізкультурай:
лепш выглядаюць (у іх павышаецца мышачны тонус, зніжаецца вага, памяншаецца запас тлушчу);
больш здаровыя псіхічна (упэўненыя ў сабе, бадзёрыя, у іх паляпшаецца знешні выгляд);
менш схільныя да стрэсу і напружання (лепш спраўляюцца з трывогай, прыгнечанасцю, гневам і страхам);
маюць менш праблемаў са здароўем;
лепш спяць.
Заняткі фізкультурай балансуюць работу ўсёй нервовай сістэмы вашага арганізма, і ад гэтага балансу ў многім залежыць здароўе чалавека.
А. ШАЙБАК,
галоўны доктар Дзятлаўскага райЦГЭ