Нягледзячы на пераменлівае надвор’е і сезон прастуды, выхаванцы Дашкольнага цэнтра развіцця дзіцяці №2 горада Дзятлава не здаюцца, не сумуюць, а закаляюцца. Нядаўна тут прайшоў чарговы, зімовы Дзень здароўя. У госці да дзяцей прайшлі Карлсан, доктар Айбаліт і Снегавік, якога выхаванцы садка напярэдадні вылепілі на сваім участку. Малеча і дашкольнікі сустракаліся з казачнымі героямі, разам з якімі замацоўвалі правілы здаровага ладу жыцця, адпрацоўвалі іх на практыцы, займаліся фізкультурай і закалкай.
На працягу цэлага дня дзяцей чакалі цікавыя тэматычныя заняткі, рухомыя гульні і, вядома, карысныя для здароўя пачастункі — свежая садавіна.
Больш падрабязна аб мерапрыемстве чытайце ў выпуску газеты «Перамога».
Тэкст і фота Н. АВЯРЧУК