У Гродне прайшла абласная спартакіяда школьнікаў. У турніры па вольнай барацьбе для дзяўчат 2001-2002 гадоў нараджэння ўдзельнічалі тры прадстаўніцы Дзятлаўскай ДЮСШ, і ўсе выступілі паспяхова. Анастасія Касач з Руды Яварскай стала пераможцай турніру. Жанна Галавач заняла трэцяе месца, Дар’я Баранава – пятае. Трэніруе дзяўчат Віктар Шалесны.
Анастасія Касач гарантавала сабе ўдзел у рэспубліканскай спартакіядзе школьнікаў, якая адбудзецца ў чэрвені. Мае шанц на ўдзел у рэспубліканскіх спаборніцтвах і Жанна Галавач, калі ўдала пройдзе трэніровачны збор, паведаміў В. Шалесны.
Б. ВАРНА
НА ФОТАЗДЫМКУ: прызёры абласной спартакіяды А. Касач (справа) і Ж. Галавач.
Фота В. ШАЛЕСНАГА