У адпаведнасці з Указам Прэзідэнта Рэспублікі Беларусь ад 24 кастрычніка 2016 года №384 у кастрычніку 2019 года ў Рэспубліцы Беларусь пройдзе чарговы перапіс насельніцтва. Падобныя даследаванні праводзяцца ў нашай краіне адзін раз у 10 гадоў. Падрыхтоўка да яго пачалася і на Дзятлаўшчыне.
Для паспяховага выканання гэтага важнага дзяржаўнага мерапрыемства неабходна правесці вялікую падрыхтоўчую работу.
Першачарговай задачай на 2018 год з’яўляецца прывядзенне ў парадак адраснай гаспадаркі, паколькі праверка яе стану паказала, што не на ўсіх будынках маюцца таблічкі (аншлагі) з нумарам дома і назвай вуліцы, а на кватэрах — іх нумары. Адказнасць за ўстаноўку і ўтрыманне таблічак нясуць уладальнікі будынкаў і збудаванняў, у прыватным сектары — домаўладальнікі, па кватэрах — уладальнікі ці наймальнікі.
У сувязі з гэтым звяртаемся да ўласнікаў будынкаў, да ўсіх дзятлаўчан, якія жывуць у індывідуальных жылых дамах, кватэрах (незалежна ад формы ўласнасці), з просьбай звярнуць увагу на наяўнасць і стан таблічак, прыняць меры па ўстаноўцы, калі іх няма, і аднаўленні тых, якія прыйшлі ў непрыгоднасць.
Таблічкі могуць быць выкананы ў выглядзе аншлагаў на фасадзе дамоў і мець любую форму, памер і колер.
Калі жылы дом складаецца з двух і больш кватэр, і кожная з іх мае ўваход непасрэдна з прыдамавой тэрыторыі, яны павінны быць пазначаны асобным нумарам.
Аншлагі (таблічкі) з нумарам дома і назвай вуліцы можна вырабіць у арганізацыях, якія займаюцца выпускам адпаведнай прадукцыі.
Аддзел жыллёва-камунальнай гаспадаркі Дзятлаўскага райвыканкама
С наступлением поздней осени на первый план выходит риск возникновения пожаров и чрезвычайных ситуаций в…
Пытанне: купляў на рынку куртку і папрасіў выдаць чэк. Прадавец сказаў, што не можа гэта…
Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…
Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…
На территории Дятловского района завершилось специальное профилактическое мероприятие «Дом без пожара», направленное на предупреждение пожаров…
У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…