Збор подпісаў па вылучэнні кандыдатаў у Прэзідэнты Рэспублікі Беларусь праходзіць ва ўсіх рэгіёнах вобласці

Пікет па зборы подпісаў у падтрымку Аляксандра Рыгоравіча Лукашэнкі прайшоў у горадзе Дзятлаве каля гандлёвага цэнтра «Міраж».

Члены ініцыятыўнай групы, у якую ўвайшлі прадстаўнікі раённых арганізацый грамадскіх аб’яднанняў «Белая Русь», «БРСМ», «Беларускі Саюз жанчын», «Беларускі Рэспубліканскі Саюз ветэранаў», Дзятлаўскага раённага аб’яднання прафсаюзаў.
Прадстаўнікі ініцыятыўных групаў гутарылі з гараджанамі і прапаноўвалі паставіць подпіс за кандыдата. У дзень пікету — 24 ліпеня — вылучэнне кандыдата ў Прэзідэнты Рэспублікі Беларусь падтрымалі некалькі дзясяткаў чалавек.

Таксама члены ініцыятыўнай групы наведалі стогадовага ветэрана Вялікай Айчыннай вайны Дзікалава В. А., які аддаў свой подпіс у падтрымку кандыдата ў прэзідэнты Рэспублікі Беларусь.