3 верасня прафесійнае свята адзначаць работнікі Дзятлаўскага філіяла камунальнага ўнітарнага прадпрыемства “Гроднааблпаліва”.
З нагоды адметнай даты яны прымалі віншаванні ад кіраўніцтва раёна і арганізацыі.
З прыемнай місіяй калектыў наведаў намеснік старшыні райвыканкама Дзмітрый Баравік. Ён адзначыў высокія вынікі, якія дасягнуў філіял.
– Дазвольце ад Дзятлаўскага райвыканкама і сябе асабіста павіншаваць вас з надыходзячым святам нафтавай, газавай і паліўнай прамысловасці, дзякуючы якім у дом кожнага чалавека прыходзяць цяпло і дабрабыт, – адзначыў ён. – Радуе, што вашы дасягненні і поспехі былі заўважаны не толькі на ўзроўні раёна, але і вобласці. Вы мяняецеся да лепшага, а значыць, змяняеце ў лепшы бок жыццё сваіх кліентаў. Жадаю вам ісці па абраным шляху толькі наперад і паспяхова вырашаць усе пастаўленыя перад вамі задачы. Шчасця вам і вашым сем’ям, дабра, дастатку і мірнага неба.
Дзмітрый Расціслававіч уручыў Ганаровую грамату Дзятлаўскага райвыканкама спецыялісту па продажы Галіне Губко, Падзячныя лісты старшыні Дзятлаўскага райвыканкама – эканамісту па збыце Наталлі Мазура і дырэктару Філіяла Васілію Шпакоўскаму.
Васілій Іванавіч падвёў вынікі работы калектыву за паўгоддзе, адзначыў, што Дзятлаўскі філіял паспяхова выканаў усе прагнозныя паказчыкі, “прыбавіў” на ўзроўні вобласці практычна па ўсіх пазіцыях, а ў выкананні плана платных паслугаў узначаліў абласны рэйтынг.
Ён уручыў Падзяку Гродзенскай абласной арганізацыі Беларускага прафсаюза работнікаў энергетыкі, газавай і паліўнай прамысловасці дрывакольшчыку Валерыю Райдзюку, які па выніках работы стаў пераможцам у абласным галіновым прафесійным спаборніцтве. Акрамя таго, кіраўнік адзначыў грашовымі прэміямі кожнага работніка Дзятлаўскага філіяла камунальнага ўнітарнага прадпрыемства “Гроднааблпаліва”.
Музычны падарунак да свята работнікам галіны падарылі артысты Дзятлаўшчыны Сяргей Малышчык і Васіль Шпігановіч.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Что стоит за специальным комплексным мероприятием «Охота» и почему оно важно для каждого, кто выходит…
Ежегодно, 28 сентября, во всем мире отмечают Всемирный день борьбы против бешенства. Цель Всемирного дня…
В Минске на Национальном футбольном стадионе состоялся республиканский финал семейного фестиваля «Папа, мама, я -…
Раённы савет ветэранаў педагагічнай працы 1 кастрычніка ў 12 гадзін у актавай зале гімназіі №…
Пытанне: у бліжэйшы час планую ўстанавіць на сваім участку камеры відэаназірання для кантролю за тэрыторыяй…
В Беларуси с 2027 года заработает современная цифровая платформа для путешественников "Умный город". Об этом…