Categories: Падзеі

Закон. Нагляд. Прафесіяналізм

26 чэрвеня ў нашай рэспубліцы прафесійнае свята адзначаюць работнікі пракуратуры.

Аб працоўных буднях і задачах ахоўнікаў закона карэспандэнтка газеты “Перамога” пагутарыла з намеснікам пракурора Аляксандрам Юркевічам.

– Аляксандр Паўлавіч, якім для пракуратуры раёна было першае паўгоддзе 2018 года?

– Працуем згодна з планам, пастаўленыя задачы выконваем у поўным аб’ёме. З пачатку года правялі 28 агульнанаглядных мерапрыемстваў з унясеннем 43 актаў пракурорскага рэагавання, падтрымана абвінавачванне па 35 крымінальных справах, апратэставаны 3 прыгаворы, дадзены заключэнні па 35 грамадзянскіх справах. Таксама вырашана 20 зваротаў грамадзян і юрыдычных асобаў. Найчасцей у пракуратуру раёна звярталіся па пытаннях адміністрацыйна-працэсуальнага заканадаўства, органаў дазнання і следства.

– Якім накірункам у рабоце надаяце больш увагі?

– Пад асаблівым кантролем у першым паўгоддзі была арганізацыя наглядных праверак за вядзеннм вяснова-палявых работ. У прыватнасці, правяралі захаванасць сельгастэхнікі, ход пасяўной кампаніі. Сачылі таксама за падрыхтоўкай да купальнага сезону, арганізацыяй летнікаў, занятасцю школьнікаў у час канікулаў.

– Што дапамагае паспяхова працаваць і дасягаць пастаўленых задач?

– У нашым калектыве працуюць вопытныя работнікі са стажам больш за 10 гадоў. Работа ажыццяўляецца на прынцыпах раўназначнай інтэнсіўнасці, узаемадапамогі, узаемазамяняльнасці. Дзякуючы зладжанаму калектыву, у складзе якога тры аператыўныя і тры тэхнічныя работнікі, удаецца вынікова вырашаць любыя задачы.

– На што цяпер скіравана ўвага пракуратуры раёна і якія планы на другое паўгоддзе?

– Уважліва сочым за падрыхтоўкай да жніва, нарыхтоўкай кармоў, захаваннем матэрыяльнай базы сельскагаспадарчага комплексу раёна. Шмат увагі надаём такім актуальным пытанням, як выкананне прадпрыемствамі і арганізацыямі Дырэктываў №1 і №3 Прэзідэнта Рэспублікі Беларусь, гэта значыць, захаванню працоўнай і выканаўчай дысцыпліны, а таксама карупцыйным злачынствам, прафілактыцы правапарушэнняў сярод непаўналетніх і моладзі.

Пералічаныя пытанні, прафілактыку правапарушэнняў, выкананне зямельнага і прыродаахоўнага заканадаўства, нагляд за следствам і дазнаннем пастаянна трымаем на кантролі, таксама будзем выконваць патрабаванні плану работы, які распрацоўваецца на паўгоддзе.

– Чаго пажадаеце калегам і былым работнікам да прафесійнага свята?

– Далейшых поспехаў у рабоце, дасягнення пастаўленых задач, прафесіяналізму, моцнага здароўя, бадзёрасці, аптымізму, святочнага настрою, дабрабыту і ладу ў сем’ях.

Ірына СТЫРНІК

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

9 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

9 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

10 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

22 часа ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

23 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

24 часа ago