Categories: Падзеі

З праблемамі – да дэпутата

Сёння дэпутат Палаты прадстаўнікоў Нацыянальнага сходу Рэспублікі Беларусь Валянцін Міхневіч у Вензавецкім сельсавеце правёў прыём грамадзян, выслухаў праблемы і пытанні жыхароў раёна.

Да Валянціна Уладзіміравіча звярнуўся 69-гадовы грамадзянін. Ён працуе на камбайне і сутыкнуўся з такой праблемай: у пенсіянера састарэлі вадзіцельскія правы, па якіх ён мог ездзіць на розных механічных сродках, у тым ліку і на скутары. Яму адмовілі ў просьбе замяніць правы, а прапанавалі зноў здаць іспыты. Экзамены здаюцца на камп’ютарах, і гэта дадае складанасці. Мужчына 12 апошніх гадоў ездзіў на работу на скутары, а цяпер не можа гэта рабіць з-за адсутнасці пасведчання вадзіцеля неабходнай катэгорыі.

Валянцін Міхневіч паабяцаў звярнуцца ва ўпраўленне ДАІ рэспублікі, каб разгледзець гэтае пытанне.

Яшчэ адзін жыхар раёна папрасіў дапамагчы разабрацца з яго праблемай. Ён з’яўляецца спадчыннікам дома свайго дзеда, але, як належыць па законе, на працягу 6 месяцаў не ўступіў у спадчыну. Як высветлілася, на гэты ж дом ёсць і іншыя прэтэндэнты. Мужчына не хоча звяртацца ў суд для вырашэння праблемы і ўзаконіць свае правы. Валянцін Міхневіч параіў яму пераступіць прынцыпы і ўсталяваць уласнасць з дапамогай суда.

А вось жыхар Наваельні прыйшоў з прапановай узмацніць ахову мемарыялаў раёна, а таксама ўнесці папраўкі ў патрыятычнае выхаванне моладзі. Сваю прапанову ён аргументаваў тым, што сучасная моладзь дрэнна ведае гісторыю і не шануе памяць аб падзеях мінулага. На яго думку, такое пытанне можна вырашыць шляхам унясення цэнзуры на розныя крыніцы інфармацыі, а таксама ва ўстановах адукацыі часцей расказваць пра Вялікую Айчынную вайну і яе герояў.

Валянцін Міхневіч уважліва выслухаў развагі і прапановы грамадзяніна і паабяцаў абмеркаваць гэтае пытанне з кампетэнтнымі органамі.

У канцы прыёму дэпутат адзначыў, што пытанні грамадзян не застаюцца па-за ўвагай, толькі ўсё пажадана аргументаваць дэталёва, каб можна было дакладна разабрацца.

Юлія БАКУНОВІЧ

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

9 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

9 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

22 часа ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

22 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

23 часа ago