Па выніках праведзенай Камітэтам дзяржаўнага кантролю Гродзенскай вобласці гарачай лініі, на якую звярнулася 28 жыхароў з шасці раёнаў і абласнога цэнтра, вырашаны шэраг пытанняў па добраўпарадкаванні населеных пунктаў.
Так, у горадзе Лідзе адноўлена цэментна-бетоннае пакрыццё вуліцы ў мікрараёне “Поўнач”. У аграгарадку Пагародна Воранаўскага раёна абноўлена разметка дарожнага палатна, на выдзеленай пешаходна-веласіпеднай паласе ўстаноўлены дарожныя знакі “Пешаходная і веласіпедная дарожка з сумешчаным рухам”, для абмежавання хуткасці руху паблізу скрыжавання вуліца абсталявана штучнымі няроўнасцямі. У гарпасёлку Воранава выкананы бягучы рамонт праезду з вуліцы Кастрычніцкай да ветэрынарнай лячэбніцы шляхам падсыпкі пакрыцця праезнай часткі асфальтагранулятам. У абласным цэнтры праведзена ўладкаванне пешаходных дарожак з устаноўкай бартавога каменя, ліквідавана ямачнасць дарожнага палатна на чатырох прыдамавых тэрыторыях, праведзена абрэзка і знос аварыйных дрэў, вываз смецця і галінак, на асобных прыдамавых тэрыторыях устаноўлены інфармацыйныя таблічкі аб забароне выгулу хатніх жывёл.
Запланаваныя да выканання ў ІІІ квартале работы па добраўпарадкаванні застаюцца на кантролі ў Камітэце.
Аляксандр САДАЎНІЧЫ,
першы намеснік старшыні КДК Гродзенскай вобласці
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
