Выбірай студатрад!

На Дзятлаўшчыне стартаваў ужо традыцыйны рэспубліканскі праект БРСМ “Выбіраем студатрад!”.

Гэта значыць, што ва ўсіх маладых людзей, якія мяркуюць правесці лета з карысцю, ёсць магчымасць запісацца ў працоўныя атрады. Раённы камітэт ГА “БРСМ” прапануе старшакласнікам і студэнтам, якія жадаюць папоўніць свой бюджэт і атрымаць практычныя навыкі ў рабоце, ужо падаваць заяўкі. Дасылаць іх можна на электронныя адрасы: drk-888@rambler.ru,  brsm@dyatlovo.gov.by або запоўніць у штабе працоўных спраў па адрасе: г. Дзятлава, вул. Леніна, 18 (будынак райвыканкама), каб. 313 (трэці паверх). Тэлефоны для даведак: 2-52-63, 2-52-61.

“Захаваем памяць на стагоддзі”

Традыцыйная моладзевая акцыя пад такой назвай праходзіць на Дзятлаўшчыне ў рамках 75-годдзя вызвалення Беларусі ад нямецка-фашысцкіх захопнікаў. Раённы камітэт ГА “БРСМ” заклікае валанцёраў і актывістаў раёна далучыцца да мерапрыемства і напярэдадні святаў у складзе працоўных дэсантаў прыбраць і добраўпарадкаваць помнікі, памятныя знакі, воінскія пахаванні Дзятлаўшчыны.

Не будуць пакінуты без увагі ветэраны і ўдзельнікі Вялікай Айчыннай вайны. Валанцёры дапамогуць ім па гаспадарцы, прывядуць у парадак участкі. Акрамя таго, моладзь пастараецца разнастаіць вольны час такіх людзей, паколькі для іх вельмі важныя ўвага і клопат.

Рыхтуйце кампазіцыі, пячыце кулічы

Моладзевы рэспубліканскі фестываль-выстава “Велікодны куліч” зноў пройдзе на Дзятлаўшчыне з ініцыятывы раённага камітэта ГА “БРСМ”.

Да 19 красавіка ўключна жадаючыя прыняць удзел у конкурсе могуць прадастаўляць свае работы (у тым ліку калектыўныя, сямейныя) у раённы камітэт ГА “БРСМ. Вызначаць пераможцаў будуць у чатырох намінацыях: лепшая велікодная кампазіцыя, конкурс на лепшы куліч, творчы конкурс малюнкаў, фотаконкурс “Вялікдзень у нашым жыцці”. Тэлефоны для даведак: 2-52-63, 2-52-61.

Каб зіхацелі стужкі рэк

Дзятлаўская раённая арганізацыя ГА “БРСМ” заклікае моладзь прыняць удзел у экалагічнай акцыі “Малым рэкам – вялікі клопат”, прысвечанай Году малой радзімы.

Пасля зімы ў прыбярэжных зонах вадаёмаў з’явілася смецце, якое неабходна сабраць. З гэтай мэтай будуць арганізаваны мерапрыемствы па ўборцы прыбярэжных месцаў адпачынку, берагоў рэк і азёраў, а таксама пляжаў перад адкрыццём купальнага сезона.

Кацярына ХІЛІМОНЧЫК,
першы сакратар раённага камітэта ГА “БРСМ”