Воінам Афгана прысвячаецца (+відэа)

15 лютага 2021 года споўнілася 32 гады з дня вываду савецкіх войскаў з Афганістана.

Закончылася вайна, якая пачалася без абвяшчэння і доўжылася 9 гадоў. Вайна, у якой загінулі больш за 14 тысяч савецкіх воінаў, больш за 22 тысячы салдат вярнуліся з раненнямі.

Мітынг адкрыў старшыня Дзятлаўскага раённага Савета дэпутатаў Аляксандр Бараноўскі. Ён нагадаў, што дзень вываду савецкіх войскаў з Афганістана – даніна памяці ўсім, хто мае дачыненне да гераічнай і трагічнай афганскай вайны.

Старшыня Дзятлаўскага райвыканкама Андрэй Садоўскі ўзгадаў пра нашых землякоў, якім давялося прыняць удзел у апошняй вайне Савецкага Саюза.

– Мы ніколі не забудзем пра тое, што 130 ураджэнцаў Дзятлаўшчыны выконвалі інтэрнацыянальны абавязак у Афганістане. З іх 22 узнагароджаны медалём “За баявыя заслугі”, 7 – “За адвагу”, 4 – “За адзнаку ў воінскай службе” ІІ ступені, 9 – “За адзнаку ў ахове дзяржаўнай мяжы”. Пяць нашых землякоў узнагароджаны ордэнам Чырвонай Зоркі за праяўленыя адвагу і доблесць, двое з іх – пасмяротна. Гэта Аляксандр Шылаў з гарпасёлка Наваельня і Дзмітрый Лазовік з вёскі Малая Палонка. Памяць нашых землякоў і ўсіх салдат, якія загінулі ў Афганістане і памерлі ў пасляваенны час, ушанавалі хвілінай маўчання.

Ваенны камісар Дзятлаўскага раёна Генадзь Суравец засяродзіў увагу на сучасным і будучым значэнні подзвігу воінаў-інтэрнацыяналістаў:

– Сёння, калі час няўмольна імкнецца наперад і ўсё менш застаецца з намі ветэранаў Вялікай Айчыннай вайны, менавіта вам, воінам-інтэрнацыяналістам, трэба пераймаць эстафету ў справе патрыятычнага выхавання моладзі, зрабіць усё магчымае для таго, каб чорныя хмары вайны ніколі не згусціліся над нашай роднай Беларуссю. Ад усёй душы жадаю вам здароўя, сапраўднага баявога братэрства. Шчасця і спакою вашым сем’ям і мірнага неба над галавой.

Эстафету памяці перанялі вучні сярэдняй школы № 3 горада Дзятлава, якія прысвяцілі воінам-афганцам шчырыя словы і пранікнёную песню.

Напрыканцы мітынга-рэквіема прысутныя ўсклалі вянкі і гірлянды да помніка воінам-інтэрнацыяналістам.

Наталля АВЯРЧУК

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

22 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago