Пытанне: ці выяўляюцца правапарушэнні ў час уборачнай?
Адказвае ўчастковы інспектар міліцыі Віталь Грышук:
– У перыяд уборачнай і нарыхтоўчай кампаній абследуюцца сельскагаспадарчая тэхніка, устанаўліваецца яе працаздольнасць, вывучаецца тэхнічная ўмацаванасць мехдвароў, складоў і іншых аб’ектаў.
Цяпер праводзяцца актыўныя мерапрыемствы па прафілактыцы фактаў крадзяжу таварна-матэрыяльных каштоўнасцей прадпрыемстваў, у тым ліку ўчыняемых самімі работнікамі. Пад асаблівай увагай – пасяўны матэрыял, угнаенні і паліва.
Адным з самых распаўсюджаных парушэнняў з’яўляецца крадзеж паліва. Варта адзначыць, што афарбаванае паліва прызначана толькі для сельскагаспадарчых прадпрыемстваў. Любое яго выкарыстанне грамадзянамі ў асабістых мэтах неправамернае, за яго прадугледжана адказнасць па частцы 3 артыкула 13.23 Кодэкса Рэспублікі Беларусь аб адміністрацыйных правапарушэннях “Незаконнае абарачэнне нафтавага вадкага паліва ў Рэспубліцы Беларусь”. За набыццё, захоўванне, выкарыстанне або рэалізацыю фізічнымі асобамі афарбаванага нафтавага вадкага паліва прадугледжаны штраф у памеры ад 10 (450 рублёў) да 50 (2250 рублёў) базавых велічыняў.
Святлана ГРЫШЫНА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
