Пытанне: у мяне ва ўласнасці ёсць аўтамабіль, і мне далі II групу інваліднасці. Ці маю я права заплаціць падатак на допуск аўтамабіля да ўдзелу ў руху з паніжаным каэфіцыентам? Дзеючая медыцынская даведка ў мяне ёсць.
Адказ: згодна з пунктам 8 артыкула 250 Падатковага кодэкса Рэспублікі Беларусь дзяржаўная пошліна за выдачу дазволу на допуск транспартных сродкаў да ўдзелу ў дарожным руху па стаўцы, паніжанай на каэфіцыент 0,5, аплачваецца за транспартны сродак, уласнікам якога з’яўляецца інвалід I або II групы, пры наяўнасці медыцынскай даведкі аб стане здароўя, якая пацвярджае прыдатнасць да кіравання механічнымі транспартнымі сродкамі адпаведнай катэгорыі.
А. УРБАНОВІЧ,
начальнік Дзятлаўскай станцыі “Белтэхагляд”
