Categories: Падзеі

Свята дажынак у Круцілавічах

Стала добрай традыцыяй у ААТ “Граніт-Агра” праводзіць свята Дажынкі, свята ўраджаю, свята падвядзення вынікаў. Вось і 26 жніўня адбыліся Дажынкі ў аграгарадку Круцілавічы. Вакол галоўнай сцэны былі ўзведзены «скульптуры» з рулонаў саломы: паравозік, які сустракаў гасцей пры ўездзе ў Круцілавічы; і кароўка, і дядуля з бабуляй, і вусеніца.

На пачатку свята адбыўся адзін з самых сімвалічных момантаў: на галоўную сцэну дзяўчаты ў нацыянальных касцюмах прынеслі караваі, выпечаныя з ураджаю гэтага года. Ксёндз Віктар і айцец Валерый асвяцілі караваі новага ўраджаю. З прывітальным словам да ўсіх прысутных звярнуўся дырэктар ААТ “Граніт-Агра” Станіслаў Станіслававіч Мазур. Павіншавала са святам і старшыня Данілавіцкага сельскага выканаўчага камітэта Ганна Мікалаеўна Жых.

Затым адбылася асноўная афіцыйная дзея Дажынак — уручэнне ўзнагарод удзельнікам жніва.
З музычнымі падарункамі выступілі Вячаслаў Статкевіч – артыст беларускай эстрады, Васіль Асіповіч, Святлана Шыманская лаўрэат міжнародных і рэспубліканскіх конкурсаў і фестываляў, вядомы спявак, легенда айчыннай сцэны Уладзімір Ухцінскі.

Для дзяцей на працягу свята працавалі атракцыёны: батут, надзіманыя горкі, можна было пакатацца на машынках; прадавалі салодкую вату, папкорн; вёўся гандаль салодкімі пачастункамі і сувенірамі.
Вядома, праца на зямлі – гэта сапраўднае выпрабаванне сілы духу і характару. А хлеб — быў, ёсць і будзе сімвалам росквіту і дабрабыту народа. Сабраны ўраджай – гэта вынік карпатлівай і дружнай працы.

С. Грос,
дырэктар Данілавіцкага дома культуры

administrator

Recent Posts

Танцуй, гуляй, “Зецельскі фэст”!

Арганізатары свята сямейнага адпачынку падрыхтавалі для гасцей шмат прыемных сюрпрызаў, якія не канчаліся да позняга…

3 часа ago

Вячэрняя забаўляльная праграма: песні, рыцарскія баі, палёт на паветраным шары

https://www.youtube.com/embed/4Ds1gSdnCEk https://www.youtube.com/embed/XXmlL041qq0 Наталля АВЯРЧУК Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga #нашелучшее #нашалепшае

4 часа ago

“Зецельскі фэст”. Узнагароджанне сем’яў-пераможцаў

Работа інтэрактыўных пляцовак дзясятага фестывалю сямейнага адпачынку “Зецельскі фэст” завяршылася цырымоніяй узнагароджання. Па рашэнні кіраўніцтва…

6 часов ago

Госці фэсту пабылі на пешай аглядавай экскурсіі па Дзятлаве

Пасля ўрачыстага адкрыцця фестывалю сямейнага адпачынку “Зецельскі фэст” старшыня райвыканкама Андрэй Садоўскі запрасіў гасцей раёна…

7 часов ago

Аматары паходаў і кулінарныя майстры запрашаюць!

Шматлюдна, весела, актыўна на пляцоўцы “Турыстычная”. Як заўсёды, там сабраліся любіцелі паходаў, начовак у палатцы,…

7 часов ago