Пачатак кастрычніка – асаблівы перыяд для ўсіх тых, хто звязаў сваё жыццё з высакародным прызваннем настаўніка.

Мы, навучэнцы 11 класа педагагічнай групы сярэдняй школы № 1 горада Дзятлава імя А. М. Чурылы, хочам расказаць пра тое, як нашы педагогі старонка за старонкай пісалі гісторыю нашай любімай першай школы.

Нядаўна адсвяткавала свой 90-гадовы юбілей легендарны педагог, чалавек з вялікай літары – Ядзвіга Аляксандраўна Кійко. Для многіх пакаленняў жыхароў нашага горада яе імя асацыіруецца з мудрасцю, душэўнай шчодрасцю і бязмежнай вернасцю сваёй прафесіі. Большая частка яе працоўнага жыцця непарыўна звязана з сярэдняй школай № 1, якая стала для яе другім домам, а для сотняў яе вучняў – стартавай пляцоўкай у вялікае жыццё.

Ядзвіга Аляксандраўна шмат гадоў выкладала ў школе матэматыку. Па словах яе вучняў, яна лагічна і даступна ўмела растлумачыць складаныя геаметрычныя тэарэмы і трыганаметрычныя формулы так, што царыца навук у яе выкананні не была сухой і сумнай. Настаўніца валодала незвычайным дарам: яна ўмела разгледзець іскру таленту ў кожным дзіцяці, знайсці падыход да вучня і захапіць яго сваім прадметам.

Школа памятае Ядзвігу Аляксандраўну не толькі як бліскучага прадметніка. Доўгія гады яна працавала намеснікам дырэктара па выхаваўчай рабоце. Разам са сваімі аднадумцамі і калегамі Вольгай Канстанцінаўнай Галадновай, Яўгеніяй Рыгораўнай Савань і Марыяй Уладзіміраўнай Сташэнка яны стваралі тую самую непаўторную, цёплую, творчую атмасферу першай школы. Гэта была моцная, згуртаваная каманда, якая арганізоўвала незабыўныя мерапрыемствы і выхоўвала ў дзецях сумленнасць, патрыятызм і чалавечнасць, заклала найлепшыя традыцыі школы.

Высокі прафесіяналізм, наватарскі падыход да навучання і шчырая любоў да сваёй справы не засталіся незаўважанымі. За доўгія гады бездакорнай працы Ядзвіга Аляксандраўна была ўдастоена ганаровага звання “Выдатнік народнай адукацыі”. Гэта высокая ўзнагарода – прызнанне яе вялізнага ўкладу ў развіццё педагогікі Дзятлаўшчыны. Сама яна заўсёды лічыла сваёй галоўнай і самай каштоўнай узнагародай поспехі сваіх выпускнікоў, сярод якіх сёння ёсць дактары, інжынеры, ваенныя, вучоныя і, вядома ж, педагогі, якія працягнулі справу свайго настаўніка.

Калегі, якім пашчасціла працаваць разам з Ядзвігай Аляксандраўнай, успамінаюць яе як надзейнага сябра, мудрага дарадцу. Яна заўсёды ўмела падтрымаць маладога спецыяліста словам і справай, падзяліцца ўнікальным вопытам кіруючай і педагагічнай дзейнасці.

Ядзвіга Аляксандраўна Кійко – яркае адлюстраванне сутнасці настаўніцкай працы. Вывучыўшы яе жыццёвы шлях, мы з асаблівым трапятаннем усведамляем, за што менавіта мы любім і цэнім нашых педагогаў.

Зарына МАКАРЧУК,
Паліна ПАЛУНОСІК,
юныя журналісты газеты “Перамога”, навучэнцы 11 класа сярэдняй школы № 1 г. Дзятлава імя А. М. Чурылы

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашелучшее #нашалепшае #годбелорусскойженщины

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

7 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

7 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

20 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

21 час ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago