Чарга каля кабінета ўльтрагукавой дыягностыкі ў Дзятлаўскай ЦРБ толькі нарастае. Усё таму, што ў раённай установе аховы здароўя з 3 красавіка ўстаноўлены новы ўльтрагукавы сканер экспертнага класа японскай вытворчасці Arietta S60. Апарат з’яўляецца сумеснай распрацоўкай фірмаў Aloka і Hitachi.
Новы апарат дазваляе з высокай дакладнасцю праводзіць дыягностыку розных органаў і сістэмаў арганізма.
У кабінеце ўльтрагукавой дыягностыкі працуюць падрыхтаваныя спецыялісты Кацярына Іода і Людміла Максімчык. Яны могуць “вывесці” на экран сэрца, сасуды і іншыя унутраныя органы. Медыкі валодаюць методыкамі ўльтрагукавога даследавання ў акушэрстве і гінекалогіі, галаўнога мозгу і суставаў у нованароджаных. Таксама апаратам праводзяцца даследаванні малочных залоз, шчытападобнай залозы, прастаты, мачавога пузыра.
УГД-кабінет працуе па талоннай сістэме. Ультрагукавое даследаванне праводзіцца як на бюджэтнай, так і на платнай аснове.
Медыцынскія паслугі ў Дзятлаўскай ЦРБ паляпшаюцца і прагрэсуюць, каб павышаць якасць жыцця насельніцтва раёна. Паступова папаўняецца і абнаўляецца матэрыяльная база, медыкі аператыўна ставяць дыягназы і прызначаюць правільнае лячэнне пацыентам. Як вядома, не так даўно ва ўстанову аховы здароўя паступіў і рэнтген-апарат, які вылучаецца якасцю і надзейнасцю.
Юлія БАКУНОВІЧ
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga