3 сакавіка на сцэне актавай залы сярэдняй школы №3 горада Дзятлава прайшоў конкурс «Новыя імёны Беларусі – 2017”. У ім прынялі ўдзел педагогі ўстановаў адукацыі раёна. Мерапрыемства прайшло ў рамках рэспубліканскага прафсаюзнага фестывалю “Працоўныя таленты – 2017”, які ладзіцца з ініцыятывы Федэрацыі прафсаюзаў Беларусі. Удзельнікі выступалі ў намінацыях “Вакал”, “Інструментальны жанр» і «Арыгінальны жанр”, дзе ў поўнай меры прадэманстравалі свае таленты.
Пачаўся конкурс з выступлення Анастасіі Рабцэвіч з сярэдняй школы №3. Затым спявала Людміла Вайтовіч з Лявонавіцкага дзіцячага сада-базавай школы. Пасля іх на сцэну выйшаў Руслан Ганчароў з гімназіі №1 горада Дзятлава і выканаў аўтарскую песню. Завяршыла намінацыю «Вакал» Наталля Каўцэвіч з Казлоўшчынскай сярэдняй школы. Яна энергічна танчыла ў такт музыкі і заслужыла гучныя апладысменты.
У намінацыі “Інструментальны жанр” па чарзе выступілі 2 удзельнікі: Віктар Шалесны з Лявонавіцкага дзіцячага сада-базавай школы і Святлана Андруніна з гімназіі №1 горада Дзятлава. Віктар праспяваў песню пад гітару, а Святлана паказала віртуозную ігру на акардэоне.
У апошняй намінацыі «Арыгінальны жанр» выступілі тры канкурсанты. Наталля Бурдун з Лявонавіцкага дзіцячага сада-базавай школы прымусіла задумацца над прытчай пра свечкі. Святлана Андруніна і Святлана Кетка прапанавалі сцэнку “У тату-салоне”, дзе камічна абыгралі вобраз настаўніка, які трапіў у нестандартную сітуацыю.
Па рашэнні журы дыпломамі першай ступені былі ўзнагароджаны выканаўца аўтарскай песні Руслан Ганчароў, Святлана Андруніна з акардэонным нумарам і артысты арыгінальнага жанру Святлана Кетка і Святлана Андруніна. Па словах арганізатара конкурсу – старшыні раённага камітэта прафсаюза работнікаў адукацыі і навукі Станіслава Баляслававіча Фабішэўскага, выступленні былі ўдалыя, і ўдзельнікі маюць усе шанцы атрымаць запрашэнне на абласны конкурс.
М. САВІЦКАЯ
Фота аўтара
Дзясяты адкрыты фестываль сямейнага адпачынку “Зецельскі фэст” запрасіў сёння на спартыўную пляцоўку тых, хто сябруе…
На “Зецельскім фэсце” працавалі адразу некалькі інтэрактыўных пляцовак на любы густ. Сапраўднай сенсацыяй фестывалю стаў…
30 мая ў рамках дзясятага фестывалю сямейнага адпачынку “Зецельскі фэст” горад Дзятлава ператварыўся ў сапраўдную…
Урачыста, прыгожа, з цудоўным настроем пачалося свята сямейнага адпачынку "Зецельскі фэст" ў Дзятлаве. Пад гукі…
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…