Categories: Падзеі

Шчасце без межаў

Галоўная жанчына ў жыцці кожнага чалавека – гэта мама. У дзяцінстве мы робім для яе падарункі сваімі рукамі і ведаем, што нават няроўна выразаная з паперы кветачка будзе для матулі самай дарагой.

Першы падарунак ад свайго маленькага сына Арцёма хутка атрымае маладая мама Алеся Жылінская. Яе Арцёмка крыху больш за тыдзень таму пайшоў у дзіцячы сад і, напэўна, разам з выхавальнікам нешта рыхтуе для любай мамачкі.

У свае няпоўныя 3 гады Арцём стараецца паводзіць сябе па-даросламу: пасля прагулкі  сам спрабуе скласці сваю вопратку і схаваць у шафу. Беражліва адносіцца да рэчаў і цацак, нічога не ламае.

 

– Я гляджу на суседскіх дзяцей і бачу, што мой Арцём адрозніваецца, – расказвае Алеся. – Можа, таму, што для любой мамы яе дзіця самае лепшае?

Але Алесі ёсць з кім параўноўваць: яна сама нарадзілася ў шматдзетнай сям’і, была старэйшай сястрой і дапамагала гадаваць двух братоў. Можна сказаць, што дзяўчына ўжо тады вучылася галоўнаму прызначэнню жанчыны – быць мамай.

Пасля нараджэння першынца Алеся Жылінская лічыць сябе шчаслівай.

Шчасце, мяркуе яна, гэта калі дома спакойна і ўтульна, а ў сям’і пануюць любоў і разуменне. Як гэтага дасягнуць? Кажуць, што прыклад варта браць са старэйшага пакалення – у сваіх мамаў і бабуляў. Аднак у Алесі на гэты конт ёсць і сваё меркаванне, свае сакрэты стварэння добрай атмасферы ў сям’і. Падтрымлівае маладую жанчыну і муж Ігар, дапамагае спраўляцца з цяжкасцямі, клопатамі пра сына.

Да выхавання дзіцяці маладая мама таксама падыходзіць індывідуальна:

– Трэба ісці ў нагу з часам. Я шмат чаго даведваюся з інтэрнэту. Там аддаю перавагу матэрыялам кампетэнтных людзей і давяраю прафесіяналам.

На шчасце, Арцём не дастаўляе маме вялікіх праблем. Вясёлы дзіцячы смех гучыць у доме Жылінскіх вельмі часта, а калі іграе музыка – быць яшчэ і танцам:

– Арцём вельмі любіць музыку і заўсёды пад яе танцуе. Думаю, трэба развіваць яго ў музычным кірунку. Яшчэ хлопчыку падабаецца глядзець мульцікі з элементамі каратэ. Бывае, надзене павязку і паказвае нам з мужам прыёмы.

Алеся стараецца запамінаць кожнае дасягненне дзіцяці. Першыя самастойныя крокі Арцём зрабіў у 10,5 месяца і нават сам гэтага не зразумеў, разгубіўся. Цяпер крокі больш упэўненыя, словы больш выразныя, дзеянні больш самастойныя. Час бяжыць вельмі хутка, і для мамы важна захаваць успаміны пра тыя цікавыя моманты, якія немагчыма перадаць словамі. У Алесі ёсць спецыяльны сшытак цікавых словаў Арцёма, а ў “куфэрку мамы” захоўваюцца соскі і іншыя рэчы немаўляці, якія яму ўжо не патрэбны.

Калі Алеся Жылінская стала мамай, свята 8 Сакавіка набыло для яе іншае значэнне, бо вельмі радасна, калі віншуе не толькі муж, але і любімае дзіця. Ужо трэці год запар напярэдадні Міжнароднага жаночага дня Алеся адчувае сябе самай шчаслівай і жадае такога ж шчасця ўсім жанчынам-мамам.

Юлія БАКУНОВІЧ

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

6 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

6 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

6 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

19 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

20 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

20 часов ago