Categories: Падзеі

Разам у рабоце і адпачынку

Удзельнікаў студэнцкага атрада, які з 21 чэрвеня працуе ў КСУП “Войневічы”, мы засталі на палетках ва ўрочышчы Зарэчча. Навучэнцы адпрацавалі свой час, і за імі прыйшоў аўтобус. Заадно з’явілася магчымасць пагутарыць.

– Як сябе адчуваеце? Ці не стаміла спёка? – задаю пытанне студатрадаўцам.

– Усё выдатна, – чую ў адказ хор маладых галасоў. – Мы людзі звыклыя.

І сапраўды, Піліп Тананушка, які сёлета скончыў дзевяць класаў Казлоўшчынскай сярэдняй школы і паспеў паступіць у ліцэй на профіль матэматыка-фізіка, у атрадзе аж чацвёрты год запар. Хлопец не любіць праводзіць лета дарэмна, калі можна папрацаваць з сябрамі, заадно і грошай на карманныя траты назапасіць.

– Тут заўжды весела, – зазначае Піліп. – А што рабіць дома? Ды і бацькі мяне падтрымліваюць, што работа ў гаспадарцы толькі на карысць. У школе рабяты таксама часта пытаюцца, як працуецца ў студатрадзе, каб прыйсці сюды ў наступным годзе.

З-за пляча Піліпа выглядвае Вераніка Белуш і спрабуе нешта дадаць. Запрашаю дзяўчыну ўключыцца ў размову.

– Я таксама ў атрадзе ўжо другі год працую. Складанага тут нічога няма, затое весела і цікава з сябрамі. Разам мы і працуем, і адпачываем. Сёння, напрыклад, выполвалі пустазелле з трыцікале, часам трапляліся каласкі жыта – іх таксама неабходна вырваць у час відавой праполкі.

Цікаўлюся ў студатрадаўцаў, якія перад імі стаяць задачы. Адказаць на гэта пытанне атраду дапамагае камандзір Дар’я Шапель. Яна зазначае, што маладыя работнікі некалькі дзён працуюць ва ўрочышчы Зарэчча на праполцы 33 гектараў азімага трыцікале. Калі адолеюць усё поле, пяройдуць у Маркаўскі кар’ер, дзе відавой праполкі чакаюць 20 гектараў азімай пшаніцы. Гэтыя два полі – эліта, значыць, зерне, якое пойдзе ў насенны фонд. Пасля эліты маладыя паляводы будуць палоць звычайныя палі.

Тое, што студатрад прыносіць значную карысць гаспадарцы, пацвярджае і галоўны аграном КСУП “Войневічы” Аляксандр Лахач. Навучэнцаў тут прымаюць на працу восьмае лета запар – гэты факт сведчыць сам за сябе.

У рамках сёлетняга конкурсу на лепшую прымаючую арганізацыю і з мэтай прафесійнай арыентацыі для студатрадаўцаў у гаспадарцы ладзяць экскурсіі. Маладыя людзі ўжо наведалі малочнатаварную ферму “Войневічы” і мехмайстэрні аграгарадка, наперадзе ў іх – экскурсіі на малочнатаварны комплекс у Ёцавічы і да паклонных камянёў у вёску Горка.

Ірына КАЎКЕЛЬ

Читайте также:

Раённы турысцкі злёт для працоўнай моладзі. Гарады (частка 1)

Раённы турысцкі злёт для працоўнай моладзі. Валейбол (Частка1)

Спартакіяда сабрала каманды летнікаў

 

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

21 час ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago