Прэмія – за дастойнае выхаванне дзяцей

Тыдзень бацькоўскай любові – час цёплых сустрэч, душэўных мерапрыемстваў і прыемных нагодаў, звязаных з сямейнымі каштоўнасцямі і традыцыямі. Так, старшыня раённага аддзялення ГА “Беларускі дзіцячы фонд” Алена Чайкоўская адправілася ў аграгарадок Войневічы, каб уручыць шматдзетнай сям’і Сухецкіх асаблівую ўзнагароду.

– Кожны год мы падаём заяўку ад раёна на спашукальніцтва ганаровай прэміі імя Зінаіды Тусналобавай-Марчанка, заснаванай Беларускім дзіцячым фондам. Гэтай узнагародай адзначаюцца сем’і, якія з’яўляюцца ўзорам выхавання і бацькоўскай любові, – расказала Алена Анатольеўна. – Сёлета ўпершыню ў ліку чатырох найлепшых сем’яў Гродзеншчыны – нашы землякі, і мы вельмі ганарымся гэтым дасягненнем. У час раённага брэндавага свята “Зецельскі фэст” у маі Алена і Дзмітрый Сухецкія атрымалі з гэтай нагоды ганаровую прэмію, а сёння ў мяне місія ўручыць ім імянную статуэтку на памяць аб гэтай падзеі.

Ва ўтульным доме ў Войневічах шаноўную госцю чакала дружная сям’я Сухецкіх – тата, мама і трое сыноў, якія з’яўляюцца навучэнцамі Казлоўшчынскай сярэдняй школы. Старэйшыя дачка і сын ужо працягваюць адукацыю ў каледжах нашай вобласці. Бацькі – галоўны прыклад для сваіх дзяцей у працавітасці, любові да роднага краю і фарміраванні сапраўдных каштоўнасцяў. Дзмітрый Сяргеевіч – хлебароб ад Бога, перадавік КСУП “Войневічы”, які неаднаразова ўзнагароджваўся за выніковую працу рэспубліканскімі, абласнымі і раённымі ўзнагародамі. У 2022 годзе яго імя было занесена на раённую Дошку гонару, а на сёлетніх абласных Дажынках у Карэлічах ён атрымаў падзяку Федэрацыі прафсаюзаў Беларусі. Алена Алегаўна не адстае ад мужа, таксама мае шэраг узнагарод за працу, у ліку якіх – Ганаровая грамата Дзятлаўскага райвыканкама. Як і ўсе матулі, яна віртуозна сумяшчае работу, клопат аб утульным доме і выхаванне дзяцей, якія з малых гадоў пераймаюць ад бацькоў працавітасць і іншыя добрыя рысы характару. Яны з’яўляюцца актыўнымі ўдзельнікамі валанцёрскага руху, студатрадаў, даглядаюць родныя лясы ў камандзе школьнага лясніцтва “ЭКАЛЕС”, удзельнічаюць у міжнародных матэматычных конкурсах, такіх як “Ліга ведаў”, захапляюцца шашкамі і шахматамі, для гульні ў якія дома заўсёды знойдзецца кампанія.

Алена Чайкоўская ўручыла сям’і рэспубліканскую ўзнагароду, павіншавала іх з Днём маці і Днём бацькі, аб’яднанымі Тыднем бацькоўскай любові, а таксама падзякавала за вялікую штодзённую працу, якую яны ўкладваюць у выхаванне дзяцей.

– Дзякуй вялікі за ўзнагароду, нам вельмі прыемна далучыцца да ліку сем’яў нашай краіны, адзначаных ганаровай прэміяй імя Зінаіды Тусналобавай-Марчанка, – адказала Алена Сухецкая. – Аднак чаму ад раёна яе ўдастоена менавіта наша сям’я? Мы звычайныя, жывём проста, працуем, вучым нашых дзяцей працаваць, берагчы родную зямлю, паважаць спадчыну, якая нам дасталася ад старэйшых пакаленняў, любіць і ва ўсім падтрымліваць адзін аднаго.

Алена Алегаўна сама дала адказ на сваё пытанне: вялікая сям’я з моцнымі каранямі, традыцыямі і маральнымі каштоўнасцямі – гонар і сіла нашай роднай Беларусі. 

***

Стала добрай традыцыяй кожны год уручаць ганаровыя прэміі імя Зінаіды Тусналобавай-Марчанка. Гэта гераічная жанчына, наша зямлячка, у гады Вялікай Айчыннай вайны страціла рукі і ногі, аднак не згубіла стойкасці духу, у пасляваенны час стварыла сям’ю і нарадзіла і выхавала дваіх дзяцей. Беларускі дзіцячы фонд зацвердзіў прэмію ў гонар гэтай мужнай жанчыны, якая ўручаецца сем’ям Беларусі, дзе выхоўваюцца пяць і больш сваіх дзяцей у любові, узаемаразуменні і добрых сямейных традыцыях, якія з’яўляюцца ўзорам і дастойным прыкладам у выхаванні працавітых, спагадлівых і ўсебакова развітых дзяцей.

Наталля АВЯРЧУК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga  

#нашелучшее #нашалепшае #годбелорусскойженщины 

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

6 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

6 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

7 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

19 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

20 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

21 час ago