Начальнік раённага вузла паштовай сувязі РУП “Белпошта” Наталля Мікалаеўна Цітова адзначае:
— Дадзенае мерапрыемства на “Белпошце” адбываецца не ўпершыню. Непасрэдна гэты конкурс прымеркаваны да святкавання Дня пошты, але ў будучым мы плануем зрабіць конкурс дзіцячых малюнкаў традыцыйным і арганізоўваць яго да розных знамянальных падзей.
Удзел у конкурсе прынялі навучэнцы СШ № 1, СШ № 3, а таксама дзіцячай школы мастацтваў горада Дзятлава. Самаму малодшаму ўдзельніку было 6 гадоў, а самаму старэйшаму – 14 гадоў.
Усе малюнкі былі розныя, але кожны па-свойму прыгожы – гэта і тэматычны калаж да Дня пошты, і малюнак шарыкавай ручкай “Пошта будучыні”, і вясёлы мішка-паштальён, які нёс пісьмо для жыхароў лесу, а ўсім знаёмы з дзяцінства паштальён Печкін вясёлай усмешкай вітаў наведвальнікаў пошты.
Вызначальных намінацый і спецыяльных патрабаванняў да малюнкаў арганізатары конкурсу не вылучалі. Каля выставы была пастаўлена спецыяльная скрынка, у якую на працягу цэлага тыдня наведвальнікі пошты апускалі “свае галасы” за лепшыя работы. Пераможцаў выбіралі па выніках глядацкага галасавання.
За малюнкі, якія набралі найбольшую колькасць галасоў, былі ўручаны каштоўныя падарункі, граматы і падпіска на дзіцячае выданне. Лепшымі былі абраны навучэнцы дзіцячай школы мастацтваў Д. Лукашэня (13 гадоў) і Р. Асіпук (14 гадоў) і першакласніца СШ № 3 У. Баранава. Таксама каштойнымі падарункамі арганізатары адзначылі работы В. Мікуліч і М. Маркавай.
Галоўнай мэтай мерапрыемства, як адзначае Наталля Мікалаеўна Цітова, стала тое, як дзеці разумеюць, што такое пошта: ”Мяркуючы па малюнках дзяцей, пошта – гэта дастаўка пісьмаў і адпраўленне віншавальных паштовак. Галоўнае – не забывайце віншаваць сваіх любімых і родных са святамі, адпраўляць пісьмы, а мы для гэтага зробім усё, што залежыць ад нас”.
Л. СУР’ЯНІНАВА
Урачыста, прыгожа, з цудоўным настроем пачалося свята сямейнага адпачынку "Зецельскі фэст" ў Дзятлаве. Пад гукі…
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…