“Дзень вясёлых падарожжаў”- пад такой назвай прайшоў дзень у школьным летніку “Усмешка” сярэдняй школы №1 горада Дзятлава.
Пасля ранішняй лінейкі наведвальнікі летніка адправіліся ў падарожжа па родным краі. Першай кропкай іх прыпынку стаў Дварэцкі льнозавод. Маленькія падарожнікі пазнаёміліся з сучаснай тэхнікай для збору гэтай культуры, патрымалі ў руках трасту, якую звозяць з розных куткоў Дзятлаўскага раёна, важаць сабраны ўраджай, а потым апрацоўваюць на спецыяльных станках. Што датычыцца шаляў, то яны зусім не падобныя да тых, якія маюцца амаль у кожнага. Яны ўяўляюць сабой звычайную дарогу, на якую заязджаюць машыны з сабранай трастой. Узважылі і дружны калектыў дваццаці трох хлопчыкаў і дзяўчынак. Агульная іх вага склала 750 кілаграмаў.
А вось каб даведацца, што называюць беларускім шоўкам, як яго здабывалі нашыя продкі, маленькія вандроўнікі накіраваліся ў Раготннаўскі дзіцячы сад-базавую школу. Там яны даведаліся, як цвіце лён, як яго збіралі і апрацоўвалі нашыя бабулі і бабулі нашых бабуль, як выкарыстоўвалі льновалакно ў штодзённым жыцці.
Як кажуць, лён любіць паклон. Таму кланяюцца яму і вяскоўцы, і гараджане. Выхаванцы летніка таксама аддалі нізкі паклон сапраўднаму беларускаму скарбу і задаволеныя адправіліся ў родную школу.
Таццяна ВАЛЯК,
выхавальніца летніка
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…