Нішто не забыта…

У гады Вялікай  Айчыннай  вайны Беларусь страціла кожнага трэцяга жыхара, але нават залітая крывёй мільёнаў людзей, разрабаваная і напаўразбураная, краіна не здавалася.

Праз многія дзесяцігоддзі памяць пра подзвіг народа, які ўнёс вялікі ўклад у Перамогу над фашызмам  – свяшчэнная.

Пасля заканчэння той страшэннай вайны Беларусь яшчэ доўгія гады аднаўлялася ад разбурэнняў і страт. І да нашых дзён краіна  свята шануе памяць аб ахвярах фашызму, подзвігу герояў і мужнасці людзей, якія жылі ў цяжкі час і аддавалі ўсё, каб наблізіць доўгачаканы  Дзень Перамогі.

Кожны год у Беларусі праходзіць мноства мерапрыемстваў, прысвечаных Вялікай Айчыннай вайне. У мясцінах гераічных баёў і чалавечых трагедый створаны мемарыяльныя комплексы і ўстаноўлены абеліскі, распрацаваны ўнікальныя гістарычныя маршруты.

У год  святкавання 75-годдзя  вызвалення  Беларусі   ад  нямецка-фашысцкіх  захопнікаў вучні  9 класа   разам  з  класным  кіраўніком Стэцкай С.А. займаліся  выкананнем  экспедыцыйнага  задання  па  тэме  “Нішто  не  забыта”. Вучні даследавалі  гісторыю  стварэння   помнікаў  загінуўшым  землякам  у  вёсках  Краглі  Вялікія  і  Погіры,  памятнага  знака  на  месцы  растраляных  актывістаў  вёскі  Погіры  ў  Шаркутовым  лесе, помнікаў на магілах  кіраўнікоў  Зачэпінскага падполля  Сніціч М.П., Сніціч Н.П  у  вёсцы  Зачэпічы, і партызана  Радыёнава В.М.  у вёсцы  Страла.

Дадзеная  даследчая  работа  стала  адной  са  старонак  Кнігі Памяці  “І памяць стукае  ў  сэрцы”, якая  ствараецца  ў  нашай  школе   да  75-годдзя  Перамогі.

Помнікі загінуўшым землякам   з’яўляюцца  пастаянным  аб’ектам  клопату  вучняў школы: праводзіцца  аперацыя “Абеліск” па добраўпарадкаванні  і азеляненні тэрыторыі, у час правядзення  мітынгаў  да  Дня  Перамогі  самых актыўных  вучняў  школы  прымаюць у  рады  ГА “БРПА”  і ГА “БРСМ”.

 

Святлана Стэцкая,
класны кіраўнік 9 класа Жукоўшчынскага  дзіцячага  сада – базавай школы