Не разлі вада. Моладзь працуе разам

Нават неспадзяваныя капрызы восеньскага надвор’я не перашкода для добрых спраў валанцёраў ГА “БРСМ”.

На гэты раз у рамках месячніка па навядзенні парадку на зямлі, прымеркаванага да Года народнага адзінства, навучэнцы сярэдняй школы № 3 горада Дзятлава на чале з першым сакратаром раённага камітэта ГА “БРСМ” Кацярынай Хілімончык навялі парадак у парку вёскі Апаліна-Басіна каля помніка 31 земляку, загінуламу ў гады Вялікай Айчыннай вайны. Яны сабралі галіны, падграблі і вынеслі лісце і смецце.

Як расказала Кацярына Уладзіміраўна, такім чынам валанцёры далучыліся да круглагадовай моладзевай патрыятычнай акцыі “Захаваем памяць на стагоддзі”, скіраванай на навядзенне парадку на воінскіх пахаваннях, аказанне дапамогі ветэранам Вялікай Айчыннай вайны і працаўнікам тылу, захаванне культурна-гістарычных традыцый.

– Мы, як юнае пакаленне, павінны клапаціцца пра герояў, якія жывуць побач, і тых, каго ўжо няма на свеце, – зазначыла моладзевы лідар раёна. – Дэвіз нашага аб’яднання: “Будучыню ствараць маладым”, але найперш трэба захаваць тое, што закладзена і пабудавана продкамі, якія адстаялі мір і спакой на беларускай зямлі.

Адметна, што на днях я пабывала на рэспубліканскім форуме з наведваннем Брэсцкай крэпасці-героя, а цяпер з валанцёрамі прадаўжаю добрыя справы на малой радзіме, – прадоўжыла свій аповед Кацярына Хілімончык. – На тэрыторыі крэпасці, як нідзе, разумееш: не дай Бог перажыць вайну. Мы павінны шанаваць подзвігі продкаў, прывіваць гэта дзецям, каб у любое надвор’е моладзь аддавала ім даніну памяці і гонару. Грамадзянска-патрыятычнае і працоўнае выхаванне, асабісты прыклад – важныя аспекты адукацыі. Прыемна, калі потым без дарослых, маладыя людзі, убачыўшы непарадак ці праблему, не могуць прайсці міма. Хочацца, каб дэвізам кожнага актыўнага беларуса было: “Берагчы, захоўваць, памнажаць!”.

– Папрацаваць разам з сябрамі весела і цікава, – збіраючы лісце ў вялікі мех, дзеліцца ўражаннямі валанцёр Мікіта Кашко. – Раней мы выходзілі на суботнікі пераважна на тэрыторыі сваёй школы, а каля помніка ў вёсцы Апаліна-Басіна былі толькі ў час экскурсіі са школьным летнікам. Цяпер усе разам робім гэта памятнае месца чысцейшым, ушаноўваем сваёй працай подзвігі землякоў.

– Працаваць разам не цяжка, – уключаецца ў размову яшчэ адна ўдзельніца акцыі Мілана Шэўко, – мы з дзяўчатамі падмятаем, хлопчыкі грабуць і выносяць смецце. Каля помніка будзе чыста. Я лічу, што ўсім трэба берагчы памятныя мясціны сваёй краіны, горада і раёна, актыўна ўдзельнічаць у такіх мерапрыемствах і падаваць прыклад іншым.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

 

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

8 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

8 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

8 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

21 час ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

22 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

22 часа ago