“Ніколі не спыняцца на дасягнутым, ставіцца з павагай да мінулага і смела глядзець у будучыню! Трэба верыць, што задумы ажыццявяцца, надзеі не згаснуць, мары спраўдзяцца, і зрабіць усё магчымае, каб умацаваць імідж школы як адной з лепшых установаў адукацыі раёна”, — так сцвярджае Ганна Франюк, дырэктар Вензавецкага дзіцячага сада–сярэдняй школы, якую яна ўзначальвае ўжо амаль 15 гадоў.
Ганна Іванаўна нарадзілася ў невялікай вёсцы Жадзейкі на Дзятлаўшчыне. Бацькі працавалі ў калгасе і марылі, каб іх дачка атрымала добрую адукацыю. Ёй падабалася вучыцца, практычна ўсе школьныя прадметы даваліся лёгка, але асабліва — літаратура і мовы. Таму з выбарам будучай прафесіі складанасцяў не ўзнікла: настаўнік-філолаг. Пасля вучобы ў Гродзенскім дзяржаўным універсітэце імя Янкі Купалы працавала старэйшай піянерважатай у Яварскай сярэдняй школе, выхавальнікам групы падоўжанага дня, настаўніцай рускай мовы і літаратуры, беларускай мовы і літаратуры.
Цяпер пад кіраўніцтвам Ганны Франюк калектыў Вензавецкага дзіцячага сада-школы бесперапынна знаходзіцца ў пошуку новых эфектыўных педагагічных ідэй. Падтрымка творчай ініцыятывы педагогаў і навучэнцаў, а таксама стварэнне неабходных умоваў для рэалізацыі здольнасцяў дзяцей даюць станоўчыя вынікі: перамогі ў алімпіядах і конкурсах абласнога, рэспубліканскага і міжнароднага ўзроўняў. Па выніках работы за 2016 год школа прызнана лепшай сярод установаў адукацыі раёна, а Ганна Іванаўна занесена на Дошку гонару Дзятлаўскага раёна.
Але самым галоўным у сваім жыцці Ганна Іванаўна лічыць сям’ю. Муж Аляксандр Міхайлавіч, дачка Іна і сын Аляксандр, чацвёра ўнукаў – вось той надзейны
тыл, які дапамагае ёй быць па-сапраўднаму шчаслівым чалавекам.
17 снежня Ганна Іванаўна адзначыла юбілейны Дзень нараджэння. Працоўны калектыў Вензавецкага дзіцячага сада–сярэдняй школы, бацькі і вучні шчыра віншуюць яе з гэтай датай і жадаюць моцнага здароўя, даўгалецця, аптымізму, далейшых прафесійных і жыццёвых поспехаў.
Наталля ТАМАШОВА,
намеснік дырэктара Вензавецкага дзіцячага сада-сярэдняй школы
9 ліпеня член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй…
Пад такой назвай у Дзятлаўскай раённай бібліятэцы 9 ліпеня прайшоў дыялог пакаленняў, прысвечаны дню вызвалення…
Аляксандр Бургун, ваенны камісар Дзятлаўскага раёна: – У Дзень Перамогі мы ўзгадваем продкаў, якія адстаялі…
9 ліпеня каля помніка Героям Савецкага Саюза Яну Фогелю і Паўлу Пятрову ў гарадскім парку…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
14 ліпеня з 14 да 16 гадзін адбудзецца прамая тэлефонная лінія з начальнікам АУС Дзятлаўскага…