Аб гэтым заявіў Прэзідэнт Беларусі Аляксандр Лукашэнка на сустрэчы з віцэ-прэзідэнтам Зімбабвэ Эмерсанам Мнангагва.
Аляксандр Лукашэнка звярнуў увагу, што ў Беларусі і Зімбабвэ няма ніякіх праблем ва ўзаемаадносінах. Кіраўнік дзяржавы выказаў перакананасць, што візіт у Беларусь віцэ-прэзідэнта Зімбабвэ будзе знакавым. Дзякуючы супрацоўніцтву з Зімбабвэ Беларусь будзе развіваць узаемадзеянне і з іншымі краінамі рэгіёна. Тым больш, што ён, як заўважыў Аляксандр Лукашэнка, мае патрэбу ў прадукцыі, якая вырабляецца ў Беларусі.
У сваю чаргу Эмерсан Мнангагва адзначыў, што зімбабвійскі бок зацікаўлены ў пашырэнні гандлёва-эканамічнага ўзаемадзеяння, а таксама супрацоўніцтва ў такіх галінах, як інфраструктура, сельская гаспадарка і горназдабываючая прамысловасць.
ААТ «Гродзенскі шклозавод» бачыць шляхі для павышэння фінансава-эканамічнай эфектыўнасці, адзначыў, наведваючы прадпрыемства, прэм’ер-міністр Беларусі Андрэй Кабякоў.
Прэм’ер-міністр станоўча ацаніў дзейнасць Гродзенскага шклозавода па пошуку шляхоў для выхаду на больш эфектыўную работу.
«Шклозавод у Гродне — гэта адзін з тых аб’ектаў, якія мы вельмі ўважліва вывучаем. Гэта трэці завод, які я наведваю. Праблемы ўсюды падобныя і звязаны перш за ўсё са знешнімі рынкамі — нашы суседзі атрымалі вельмі магутны дэмпінг у той перыяд часу, калі былі значныя курсавыя розніцы паміж беларускім і расійскім рублём, і гэта дало ім магчымасць заняць частку рынку», — сказаў прэм’ер-міністр. Разам з тым цяпер сітуацыя кіруемая, падкрэсліў ён.
У час рабочай паездкі ў Гродзенскую вобласць прэм’ер-міністр таксама азнаёміўся з дзейнасцю завода жалезабетонных канструкцый ААТ «Гроднапрамбуд».
Унесены змяненні ў пералік груп спецыяльнасцяў і профільных іспытаў ва ўстановах вышэйшай адукацыі Беларусі на 2016 год. Адпаведная пастанова ад 30 чэрвеня 2015 года нумар 72 «Аб уступных іспытах пры паступленні на І ступень вышэйшай адукацыі» апублікавана на афіцыйным партале Нацыянальнага цэнтра прававой інфармацыі.
Пастанова ўступіць у сілу з 1 студзеня 2016 года.
Як растлумачылі ў прэс-цэнтры Міністэрства адукацыі, пастанова распрацавана на падставе Правілаў прыёму асоб для атрымання вышэйшай адукацыі I ступені, зацверджаных указам нумар 80 ад 7 лютага 2006 года, згодна з якім Міністэрства адукацыі абавязана не пазней, чым за 10 месяцаў да пачатку рэгістрацыі абітурыентаў для ўдзелу ў цэнтралізаваным тэсціраванні зацвярджаць пералік груп спецыяльнасцяў (спецыяльнасцяў, напрамкаў спецыяльнасцяў) і адпаведных ім профільных іспытаў.
Выбар профільных іспытаў быў разгледжаны і зацверджаны на пасяджэннях вучэбна-метадычных аб’яднанняў у сферы вышэйшай адукацыі па адпаведным напрамку адукацыі. Змяненні абумоўлены патрабаваннямі да прафесійных кампетэнцый будучых спецыялістаў, замацаваных у адукацыйных стандартах.
БелТА
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga