Найлепшыя віншаванні – для работнікаў жыллёва-камунальнай гаспадаркі

У раённым Цэнтры культуры і народнай творчасці прайшло святочнае мерапрыемства, прымеркаванае да Дня работнікаў бытавога абслугоўвання насельніцтва і жыллёва-камунальнай гаспадаркі.

Шчырыя словы ўдзячнасці за неабходную, адказную працу, віншаванні з прафесійным святам прымалі работнікі Дзятлаўскага РУП ЖКГ, якія ствараюць камфорт і ўтульнасць для жыхароў раёна, клапоцяцца пра стабільную работу сістэм жыццезабеспячэння, робяць населеныя пункты чыстымі і прыгожымі.

– Хачу адзначыць, вынік мінулага года паказаў, што наша праца прадуктыўная. Я часта чую словы падзякі ад насельніцтва ў наш адрас, гэта вельмі прыемна, гэта індыкатар таго, што нашы супрацоўнікі, выконваючы абавязкі, удасканальваюць да іх падыход, кожны год імкнуцца да лепшага. Прыемна, што на рэспубліканскай калегіі Гродзенская вобласць была адзначана як адна з лепшых па асноўных паказчыках, усё гэта дзякуючы і вам, паважаныя калегі. Хачу пажадаць, каб вы ніколі не спыняліся на дасягнутым, заўжды ва ўсім імкнуліся быць першымі, шчасця, здароўя, усмешак, удачы ва ўсім, – павіншаваў калектыў і ветэранаў працы дырэктар Дзятлаўскага РУП ЖКГ Васіль Пяцюк.

Васіль Васільевіч уручыў работнікам камунгаса заслужаныя ўзнагароды. Ганаровыя граматы, падзячныя лісты атрымалі Анатоль Пігульскі, Анатоль Шундрык, Алена Марук, Сяргей Каско, Вячаслаў Іодчык, Андрэй Калодка, Іван Невяроўскі, Сяргей Лябецкі, Таццяна Логаш, Сяргей Аблажэй, Віктар Ёдка, Максім Ківачук, Юрый Пранюк, Людміла Лявошка, Таццяна Ступчык, Аляксандр Рымша, Сяргей Васюкевіч.

Да віншаванняў далучыўся старшыня раённага Савета дэпутатаў Аляксандр Бараноўскі:

– Паважаныя работнікі жыллёва-камунальнай гаспадаркі і бытавога абслугоўвання, вы працуеце ў галіне, якая ва ўсе часы была і застаецца адной з важнейшых у структуры эканомікі. Цяпло, святло, вада ў жылых дамах, уборка прыдамавых тэрыторый, вываз бытавых адходаў – сёння на плячах камунальнікаў ляжыць вялікі груз адказнасці для забеспячэння камфортных умоваў жыцця нашых людзей. Хачу выказаць словы глыбокай удзячнасці радавым работнікам, кіраўнікам, ветэранам галіны за высокі прафесіяналізм, служэнне любімай справе. Жадаю ўсім доўгіх гадоў жыцця, сямейнага дабрабыту і шчасця. Няхай аптымізм і бадзёрасць духу стануць залогам новых прафесійных поспехаў.

Узнагароды ад раённага выканаўчага камітэта і раённага Савета дэпутатаў атрымалі Юрый Далжэнка, Дзмітрый Стракоўскі, Павел Антончык, Алег Клеянкоў, Сяргей Санцэвіч, Ксенія Міклаш.

За доўгія гады работы Дзятлаўскай жыллёва-камунальнай гаспадаркі шмат дастойных імёнаў былі ўпісаны ў гісторыю прадпрыемства, і сёння старонка ў летапісе папоўнілася імёнамі тых, хто дасягнуў высокіх прафесійных вынікаў і занесены на Дошку гонару жылкамунгаса. Гэта Сяргей Кавалевіч, Аляксандр Рымша, Канстанцін Сідорчык, Мікалай Юркевіч, Сяргей Аўсянік, Вячаслаў Татарчык.

Старшыня пярвічнай прафсаюзнай арганізацыі Дзятлаўскага РУП ЖКГ Валерый Ішуцін пажадаў калегам, каб іх работа прыносіла толькі радасць і разуменне неабходнасці людзям, поспехаў, здароўя, любві, міру і дабра. Ён уручыў Ганаровыя граматы самым актыўным членам пярвічкі гаспадаркі – удзельнікам грамадскага жыцця калектыву, спартыўна-масавых мерапрыемстваў: Дзмітрыю Татарчыку, Іне Фраловай, Паўлу Каткоўскаму, Марыне Якубчык, Дзмітрыю Гародку, Вераніцы Радзюк, Ігару Глускаму, Станіславу Яроміну.

Букеты белых хрызантэм, шчырыя словы падзякі за адданую шматгадовую працу ў гаспадарцы атрымалі ў гэты дзень і ўсе ветэраны галіны, якія прыйшлі на ўрачыстасць.

Ужо стала традыцыяй для дырэктара Дзятлаўскага філіяла ДП “Гроднааблпаліва” Васіля Шпакоўскага не толькі віншаваць работнікаў жыллёва-камунальнай гаспадаркі, у якой ён раней таксама працаваў, але і дарыць каштоўны падарунак. Сёлета гэта быў набор інструментаў для Цэнтральнай кацельні горада Дзятлава.

Прыгожыя песні і святочны настрой работнікам і ветэранам Дзятлаўскага РУП ЖКГ дарылі артысты і творчыя калектывы раёна.

Святлана ГРЫШЫНА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#ЖКХ #нашалепшае #нашелучшее

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

9 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

9 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

9 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

22 часа ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

23 часа ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

23 часа ago