На кантролі — валюта

Камітэт дзяржкантролю Гродзенскай вобласці на працягу некалькіх гадоў кантралюе сітуацыю з пратэрмінаванай знешняй дэбіторскай запазычанасцю і вяртаннем у краіну валютнай выручкі.

Па выніках кантрольна-аналітычных мерапрыемстваў прымаюцца прадугледжаныя заканадаўствам меры па фактах незабеспячэння своечасовага завяршэння знешнегандлёвых аперацый. Толькі ў 2016 годзе за названае парушэнне да адміністрацыйнай адказнасці прыцягнуты 38 юрыдычных асобаў на агульную суму штрафу 2,0 млн. рублёў, 43 фізічныя асобы — на 2,8 тыс. рублёў.

За 2016 год пратэрмінаваная знешняя дэбіторская запазычанасць прадпрыемстваў вобласці ўзрасла на 1,2 млн. долараў ЗША, а за студзень бягучага года — яшчэ на 1,1 млн. долараў ЗША.

Рашэнні аб прыцягненні да дысцыплінарнай адказнасці кіраўнікоў арганізацый, па чыёй віне былі дапушчаны парушэнні заканадаўства, якія прывялі да непаступлення ў краіну значных сумаў валютнай выручкі і прычынення стратаў арганізацыям, да ўмяшальніцтва Камітэта дзяржкантролю не прымаліся.
Камітэт дзяржаўнага кантролю нагадвае аб неабходнасці выканання арганізацыямі парадку правядзення знешнегандлёвых аперацый, а таксама аб наяўнасці адміністрацыйнай, а ў шэрагу выпадкаў і крымінальнай адказнасці за парушэнні заканадаўства ў галіне знешнеэканамічнай дзейнасці.

А. САДАЎНІЧЫ,
першы намеснік старшыні Камітэта дзяржкантролю Гродзенскай вобласці