17 жніўня на базе сельгасарганізацый Дзятлаўскага раёна праходзіць абласны семінар-нарада на тэму: “Вынікі работы ў жывёлагадоўлі за сем месяцаў 2018 года і навядзенне парадку на сельскагаспадарчых аб’ектах”.У яго рабоце прымаюць удзел кіраўнікі і спецыялісты абласных службаў і арганізацый, начальнікі райсельгасхарчаў, іх намеснікі па жывёлагадоўлі і раслінаводстве, галоўныя ветэрынарныя дактары і іншыя вядучыя спецыялісты з Дзятлаўскага, Воранаўскага, Лідскага, Ашмянскага, Карэліцкага, Астравецкага, Смаргонскага, Навагрудскага і Іўеўскага раёнаў. Узначаліў семінар-нараду першы намеснік старшыні Гродзенскага аблвыканкама Іван Жук.
Пачатак сустрэчы адбыўся на базе ААТ “Граніт-Агра”. Іван Алейзавіч пазнаёміў удзельнікаў мерапрыемства з ходам сустрэчы, парадкам фарміравання рабочых груп, акрэсліў канкрэтныя накірункі ў арганізацыі работы. Асноўныя задачы семінара – вывучэнне эфектыўнасці работы жывёлагадоўчых аб’ектаў, пытанняў арганізацыі вытворчасці прадуктаў жывёлагадоўлі, наведванне мехмайстэрняў і расліннаводчых аб’ектаў. Пільная ўвага будзе нададзена навядзенню парадку на сельскагаспадарчых аб’ектах раёна.
Аксана АНДАЛЮКЕВІЧ
Вольга ЮШКЕВІЧ
