На Дзятлаўшчыне абраны новы састаў дэпутатаў вучнёўскай палаты моладзевага савета VIII склікання пры Дзятлаўскім раённым Савеце дэпутатаў.
Як расказала каардынатар дзейнасці гэтага моладзевага органа Ірына Мішчанка, цяпер у яго ўвайшлі 24 чалавекі. Усе яны навучэнцы 9-10 класаў установаў адукацыі нашага раёна.
У рамках выбараў кожны кандыдат прадставіў сваю перадвыбарную праграму, падрыхтаваў лістоўкі і іншыя матэрыялы для інфармавання выбаршчыкаў.
Галасаванне праходзіла на выбарчых участках, арганізаваных у школах раёна, што дазволіла максімальна зручна і празрыста правесці гэты працэс.
Новы састаў вучнёўскай палаты будзе прадстаўляць інтарэсы моладзі раёна, удзельнічаць у абмеркаванні важных пытанняў і ініцыятывах, скіраваных на развіццё адукацыйнага і сацыяльнага асяроддзя на Дзятлаўшчыне.
Ірына СТЫРНІК
Фота Ірыны МІШЧАНКА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
