“Мама” для дашкалят з важкім стажам

Зразумела, што словы “вясна”, “жанчына” і “мама” па законах мовы не сінонімы. Аднак тры гэтыя цёплыя, шчырыя і важныя для кожнага чалавека паняцці цесна аб’яднала ўсімі намі любімае каляндарнае свята – 8 Сакавіка.

З самым светлым і вясновым настроем заўжды прыемна ўзгадваць дарагіх нашаму сэрцу людзей. Для многіх дзятлаўчан імя Ліліі Ваніслаўчык якраз асацыіруецца са святам, радасцю, дзяцінствам, а ўсё таму, што Лілія Іванаўна ўжо 44 гады працуе выхавальнікам у дзіцячым садзе № 1 горада Дзятлава. 

Як прызнаецца наша зямлячка, за чатыры дзесяцігоддзі ў яе было 10 выпускаў дзетак. Больш за дзве сотні маленькіх гарэзаў падраслі і сталі школьнікамі. Час ляціць хутка: некаторыя былыя выхаванцы потым прыводзілі ў групу і сваіх сыноў і дачок. Ідучы па горадзе, Лілія Іванаўна нярэдка сустракае ўжо дарослых выпускнікоў, якія з радасцю вітаюцца з “другой мамай”, а педагогу так прыемна бачыць, што яе маленькія Дашы, Наташы, Паўлікі і Андрэі сталі годнымі людзьмі, знайшлі сваю дарогу ў жыцці.

– Настаўніцай я марыла стаць яшчэ ў школьныя гады, – прызнаецца Лілія Ваніслаўчык. – Лёс склаўся так, што стала педагогам дашкольнай адукацыі, аб чым ні разу не пашкадавала. У 1980 годзе пасля заканчэння Гродзенскага педагагічнага вучылішча прыехала працаваць на малую радзіму, трапіла ў калектыў дзіцячага сада № 1 горада Дзятлава і засталася тут на многія гады. У 1986-м скончыла завочнае аддзяленне Мінскага дзяржаўнага педагагічнага на той час інстытута імя Максіма Горкага (цяпер – універсітэт імя Максіма Танка). Побач з дзецьмі час ляціць хутка і непрыкметна, з імі назаўсёды застаешся маладым душой, ёсць магчымаць сябе рэалізаваць, перадаючы гэтым маленькім чамучкам веды, уменні, вопыт.

Упэўнена, што гэта сапраўды так, бо застала Лілію Іванаўну за заняткамі з групай: разам з дзецьмі яны вывучалі пароды дрэваў, іх прыкметы і адрозненні, практыкаваліся ў сшытках-дапаможніках. Перад выхавальніцай і яе старэйшай дзясятай групай сёлета стаіць важная і адказная задача – падрыхтавацца да школы. Усе хлопчыкі і дзяўчынкі гэтым летам “вылецяць з-пад крыла” Ліліі Іванаўны і 1 верасня сядуць за школьныя парты. Зразумела, што педагог вельмі хвалюецца і жадае, каб кожны з іх стаў кемлівым і старанным вучнем, а ў далейшым – прафесіяналам сваёй справы, шчаслівым сем’янінам.

– Мы ўжо пачалі супрацоўніцтва са школай, старанна рыхтуемся па праграме дашкольнай адукацыі. Калі хто хварэе і прапускае тэмы, займаемся індывідуальна. Дзеці ведаюць, што ніводная старонка рабочых сшыткаў не павінна застацца пустой, таму з гатоўнасцю адгукаюцца на мае заклікі павучыцца, пакуль сябры захоплены цікавай гульнёй. Увогуле, наша група старанная, кемлівая, працавітая. Дзеці займаюцца канструяваннем, ручной працай, калі дзяжураць, дапамагаюць накрываць і ўбіраць са стала, вельмі любяць маляваць. У іх атрымліваюцца цікавыя творчыя работы. Нярэдка яны і мне дораць свае малюнкі. Вельмі хочацца, каб у школе яны прадаўжалі заставацца стараннымі і паслухмянымі, мелі цікавасць да вучобы, імкнуліся спасцігаць новае і выраслі добрымі грамадзянамі нашай краіны.

Лілія Іванаўна ўпэўнена, што быць паспяховай у прафесіі ёй дапамагае мяккі характар, любоў да дзяцей, жаданне дарыць ім веды і хвілінкі радасці, размаўляць, дзяліцца ўражаннямі, разам гуляць, бо менавіта праз гульню маленькія людзі пазнаюць навакольны свет і жыццё. Цікава ў групы праходзяць святы і ранішнікі: Новы год, Дзень абаронцаў Айчыны. Цяпер хлопчыкі і дзяўчынкі актыўна рыхтуюцца да 8 Сакавіка. Для матуляў кожны з выхаванцаў ужо сам зрабіў святочную віншавальную паштоўку.

Вольны ад работы час Лілія Іванаўна любіць праводзіць з унукамі і блізкімі. У іх сям’і склалася цудоўная традыцыя падарожнічаць і назапашваць прыемныя ўражанні ад наведвання славутых мясцін Беларусі. Часцей за ўсё ў вандроўкі накіроўваюцца летам. Ужо пабывалі ў Хатыні, музеі Вялікай Айчыннай вайны, Нацыянальнай бібліятэцы, у Мірскім, Нясвіжскім замках, Косаўскім палацы, на многіх іншых аб’ектах. Цяпер думаюць, які маршрут ім пракласці на новы сезон. Наша зямлячка ўпэўнена, што ў Беларусі нямала цікавых мясцін, дзе абавязкова варта пабываць.  

На пытанне, які падарунак чакае на 8 Сакавіка, Лілія Ваніслаўчык мудра і па-філасофску адказвае:

– Галоўнае – здароўя для сябе, блізкіх і знаёмых, каб усе былі шчаслівымі, а ў роднай краіне панавалі мір і спакой. 

Жанчынам Дзятлаўшчыны Лілія Іванаўна таксама зычыць здароўя, дабрабыту, любові, усяго чыстага, добрага, светлага і простага чалавечага шчасця.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#нашалепшае #нашелучшее

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

6 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

7 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

7 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

20 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

20 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

21 час ago