“Лыжня — 2018” на гарадскім стадыёне ў Дзятлаве сабрала 230 актыўных удзельнікаў. Пасля ўрачыстага адкрыцця спартыўнага зімовага свята спаборніцтвы распачалі эстафетныя гонкі. У першым забегу на старт выйшаў старшыня райвыканкама Аляксандр Дубовік.
Аматары лыжнага бегу пераадольвалі дыстанцыю без фіксацыі часу. А больш падрыхтаваныя лыжнікі стартавалі і фінішавалі па секундамеры. На лыжню выйшлі людзі розных узростаў, прадстаўнікі прамысловых і сельскагаспадарчых арганізацый, установаў. Асобна спаборнічалі школьнікі . На гарадскім стадыёне гучала музыка, раздавалі гарачы чай.
Вольга ЮШКЕВІЧ
При любом использовании материалов активная гиперссылка на diatlovonews.by обязательна
