“У нашага класа быў самы “класны” класны кіраўнік. Назаўжды мы запомнілі экскурсіі, турзлёты, паходы, песні ля вогнішча”, – такое меркаванне ў выпускніцы Казлоўшчынскай сярэдняй школы Людмілы Маер, якая скончыла вучобу ў школе 30 гадоў таму.
Гэтыя словы пра чалавека добра вядомага ў нашым пасёлку – Івана Максімчыка. Амаль 40 гадоў ён адпрацаваў у Казлоўшчынскай сярэдняй школе. Штодня пешшу з вёскі Сцяткоўшчына, дзе нарадзіўся, дабіраўся да месца працы, нягледзячы на дождж і завіруху.
Час патрабаваў прафесійнага росту. У 1985 годзе Іван Станіслававіч скончыў Брэсцкі педагагічны інстытут імя А. С. Пушкіна. За гады працы ў школе настаўнікам фізічнай культуры не раз узнагароджваўся граматамі раённага аддзела адукацыі, аблвыканкама, Ганаровай граматай Міністэрства адукацыі. Як настаўнік вышэйшай катэгорыі ён падрыхтаваў шэраг спартсменаў, якія дасягнулі высокіх вынікаў.
Акрамя асноўнай працы была і грамадская – сакратар настаўніцкай камсамольскай арганізацыі. Яна патрабавала шмат часу, умення ладзіць з людзьмі, быць уважлівым і патрабавальным да калег.
У1987 годзе Іван Станіслававіч быў абраны на пасаду дырэктара школы.
Праца педагагічнага калектыву пад яго кіраўніцтвам была выніковай: штогадовыя прызавыя месцы ў раённых, абласных і рэспубліканскіх алімпіядах, удзел і перамогі ў розных конкурсах, акцыях, спартыўных спаборніцтвах, рост педагагічнага майстэрства маладых настаўнікаў.
“Тактоўны, ветлівы, уважлівы, – так характарызуе Івана Станіслававіча былы школьны бібліятэкар, выпускніца школы Вольга Антончык. – Ён заўсёды ўсміхаецца пры сустрэчы, пацікавіцца, чым і як жыве калега ці проста знаёмы”.
У сям’і Івана Станіслававіча і Людмілы Рыгораўны выраслі выдатныя дзеці, Наташа і Сярожа. Яны, як і мама, дактары, скончылі Гродзенскі медыцынскі ўніверсітэт. Лепшыя чалавечыя якасці дзеці атрымалі ў спадчыну ад бацькоў.
Мы, ветэраны педагагічнай працы, калектыў настаўнікаў і навучэнцаў Казлоўшчынскай школы шчыра віншуем Івана Максімчыка з юбілейным днём нараджэння.
Кіра БЛІЗНЮК,
старшыня пярвічнай ветэранскай арганізацыі Казлоўшчынскай сярэдняй школы
Дзятлаўскі раён стане першым у цыкле тэлеперадач тэлеканала “ВоенТВ” з рабочай назвай “У добры шлях”,…
Практыка ў раённай газеце – гэта новыя эмоцыі штодня. За два тыдні мне прыйшлося паспрабаваць…
Для ажыццяўлення агульнай каардынацыі дзейнасці дзяржаўных органаў, іншых арганізацый, службы “адно акно” Міністэрствам юстыцыі распрацавана…
Дзятлаўчане цікавяцца: ці прымае сёлета Дзятлаўскі філіял Гродзенскага аблспажыўтаварыства сезонную прадукцыю ад фізічных асоб і…
Ратаўнікі Беларусі – сапраўдныя прафесіяналы, мужныя, валявыя, рашучыя, адказныя. Яны супрацьстаяць стыхіі, абараняюць жыццё і…
Урожайность зерновых превышает прошлогоднюю по всем областям страны, сообщили в пресс-службе Министерства сельского хозяйства и…