Ва ўстанове адукацыі “Каледж Міністэрства ўнутраных спраў Рэспублікі Беларусь”, што размясціўся ў вёсцы Гарані Мінскага раёна, прайшло ўрачыстае мерапрыемства, прысвечанае 110-годдзю ўтварэння беларускай міліцыі. Напярэдадні гэтай даты, якую мы будзем святкаваць 4 сакавіка 2027 года, Міністэрства ўнутраных спраў  праводзіць значныя падрыхтоўчыя і святочныя мерапрыемствы. Сярод іх – марафон “110 гадоў у адзіным страі!”. Маштабная акцыя МУС ахоплівае 23 гарады краіны. Урачыстыя мерапрыемствы, тэматычныя выставы і інтэрактыўныя пляцоўкі ўжо прайшлі ў многіх рэгіёнах, уключаючы Рэчыцу, Гомель, Віцебск, Нясвіж і Гродна.

Ведамства арганізавала буйны творчы конкурс на лепшыя літаратурныя, мастацкія і музычныя творы. Ён уключаў розныя намінацыі, у тым ліку “Лепшы публіцыстычны твор”, “Лепшы мастацкі твор”, “Лепшы малюнак “Міліцыя вачыма дзяцей” і іншыя. Усяго сем намінацый. На творчы конкурс было прыслана больш за 600 работ.

Па ініцыятыве Дятлаўскага цэнтра культуры мне пашчасціла ўдзельнічаць у конкурсе публіцыстычных работ. Мая работа была прысвечана Івану Сцяпанавічу Мацюкевічу, ён пасля Вялікай Айчыннай вайны быў першым участковым інспектарам у Дзятлаве.

Іван Сцяпанавіч Мацюкевіч нарадзіўся ў вёсцы Валоўнікі Дзятлаўскага раёна ў 1924 годзе. Калі хлопцу споўнілася 15 гадоў, захацеў паехаць у Саратаў вучыцца на слесара. У даваенны час хлопцы набывалі прафесію у ФЗВ (фабрычна-завадскім вучылішчы), рана станавіліся самастойнымі. Там яго і напаткала вайна. У 17 гадоў стаў салдатам, ваяваў на Курскай дузе, атрымаў за мужнасць і салдацкую вытрымку, праяўленыя ў той бітве, медаль “За адвагу”, неаднаразова быў паранены, і вельмі сур’ёзна, асколкам у левую руку, ледзьве не застаўся калекам. Лячыўся ў Кіславодску, пасля шпіталя вярнуўся ў строй, працягнуў барацьбу з фашыстамі на франтах Вялікай Айчыннай, потым вызваляў Еўропу. Вайну скончыў у адным з прыгарадаў Берліна.

Пасля заканчэння Вялікай Айчыннай вайны вярнуўся на радзіму, пайшоў працаваць у міліцыю, даслужыўся да капітана. Увесь час быў участковым, разам з сям’ёй змяніў не адно месца жыхарства, пазней асеў у Дзятлаве. У пасляваенны час кадраў у міліцыі не хапала, таму Іван Сцяпанавіч быў адзіны ўчастковы на ўвесь гарадскі пасёлак. Ведаў усіх – і яго ведалі і паважалі.

 Матэрыялы пра героя артыкула былі ў маім архіве, таму паўдзельнічаць у конкурсе адразу згадзілася. І не пашкадавала, бо мерапрыемства, наладжанае ў гонар ветэранаў органаў унутраных спраў, вельмі спадабалася. Так атрымалася, што прыехалі мы крыху раней і акунуліся ў атмасферу падрыхтоўкі дзейства ў актавай зале каледжа. Паглядзелі, як праходзіць рэпетыцыя Алёны Ланской, Гюнэш, арт-групы “Беларусы” і вядучых марафона. І, вядома ж, самай прыемнай хвілінай стала ўзнагароджванне пераможцаў. У кожнай намінацыі былі выдзелены тры прызавыя месцы. Мая работа атрымала дыплом II ступені ў намінацыі “Лепшы публіцыстычны твор”. Дзятлава прагучала яшчэ раз на ўсю рэспубліку. Гэта для мяне вялікі гонар і вялікае шчасце – даследаваць гісторыю, сваёй творчасцю служыць малой радзіме, мілай сэрцу Дзятлаўшчыне.

Вельмі ўдзячна Цэнтру культуры за магчымасць удзелу у конкурсе і за выдзелены транспарт.

Алена АБРАМЧЫК,
краязнаўца

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga  

#нашелучшее #нашалепшае #годбелорусскойженщины 

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

6 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

6 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

7 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

19 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

20 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

21 час ago