Кінастужка “На другім беразе”. Чым прывабіла?

У Беларусі прадаўжаецца дэманстрацыя гістарычнай драмы “На другім беразе”, паказ якой стартаваў да Дня народнага адзінства.

Дзятлаўчане таксама актыўна ўключыліся ў прагляд і дзеляцца сваімі ўражаннямі ад убачанага.

Наталля Лях, кінамеханік аддзела па кінавідэаабслугоўванні насельніцтва раённага цэнтра культуры і народнай творчасці:

– Ужо 40 гадоў працую ў сістэме кінавідэаабслугоўвання раёна і з упэўненасцю магу сказаць, што гістарычная драма “На другім беразе” – гэта якаснае кіно. Мне спадабаліся атмасфера і сюжэт гэтай стужкі, якія абапіраюцца на гістарычныя факты з мінулага нашай краіны. Радуе і тое, што карціна сучасная, актуальная і знята ў лепшых традыцыях беларускага кінематографа. Наогул, яе сюжэт цікавы, кранальны, ёсць шмат момантаў, якія кранаюць душу, пранікаюць у самае сэрца. Нашы гледачы пакідаюць кіназалу задаволенымі і ўражанымі, за ўвесь час мы не пачулі ніводнага адмоўнага водгуку, некаторыя нават прыходзяць паўторна, цэлымі сем’ямі. Радуе, што кінастужка “На другім беразе” цікавая для людзей розных узростаў. Асабліва часта з намі сваім меркаваннем дзеляцца гледачы старэйшага пакалення. Напрыклад, мне запомніліся словы старэнькай бабулі: “Глядзіце, дзеткі, і беражыце сваю Радзіму!”.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga