Нягледзячы на ўмовы надвор’я, яны кожны дзень старанна працуюць, каб дарогі нашага раёна заставаліся зручнымі, дагледжанымі і бяспечнымі. Напярэдадні прафесійнага свята віншаванні і заслужаныя ўзнагароды прымалі работнікі ДРБУ-119.
Шчырыя словы пажаданняў для іх прагучалі ад старшыні раённага Савета дэпутатаў, лідара раённага аддзялення Гродзенскай вобласці Беларускай партыі “Белая Русь” Аляксандра Бараноўскага:
– За апошні час вельмі шмат на Дзятлаўшчыне зроблена вашымі рукамі: дарожныя рамонты, новае асфальтавае пакрыццё, грэйдзіраванне – тэхніка ДРБУ-119 заўсёды ў рабоце. Адрамантавана і заасфальтавана нямала кіламетраў, думаю, яшчэ многае ў амбіцыйных планах надалей. Каб усяго гэтага дасягнуць, жадаю вам моцнага здароўя, сямейнага дабрабыту, каб кожны дзень вы з радасцю ішлі на работу і з не меншай – вярталіся дамоў. Са святам, працвітання вам і вашай арганізацыі.
Павіншаваў калектыў з надыходзячым прафесійным святам і кіраўнік дарожна-будаўнічай арганізацыі Віталій Балтрушка:
– Дзякую вам за нялёгкую працу, такую важную і патрэбную для нашай дзяржавы. З надыходзячым Днём аўтамабіліста і дарожніка, здароўя вам, шчасця, сямейнага цяпла, каб і на працоўных месцах, і ў сем’ях усё ладзілася, міру, спакою, дабра.
Прыемным момантам урачыстасці стала цырымонія ўзнагароджання. Ганаровай граматай раённага Савета дэпутатаў адзначаны галоўны інжынер ДРБУ-119 Аляксей Гірык, падзячнымі лістамі – вадзіцель пагрузчыка Сяргей Загдай, трактарыст Аляксандр Жэгала. Ганаровымі граматамі раённага выканаўчага камітэта ўзнагароджаны майстар Мікалай Крупіца, вадзіцель пагрузчыка Віктар Ерамейчык, падзячнымі лістамі – майстар Андрэй Шастак, дарожныя рабочыя Раман Занімонскі і Віталій Шапурка.
Ганаровыя граматы камунальнага праектна-рамонтна-будаўнічага ўнітарнага прадпрыемства “Гроднааблдарбуд” ва ўрачыстай абстаноўцы Віталій Балтрушка ўручыў машыністу змяшальніка Сяргею Піваварчыку і вадзіцелю МАЗа Анатолю Васюкевічу.
Не абышлося і без прафсаюзных узнагарод і шчырых пажаданняў ад лідара пярвічкі Таццяны Пазняковай. Падзякі прафсаюзнай арганізацыі атрымалі грахатоўшчыкі Міхаіл Іваноў, Сяргей Місарэвіч, Генадзь Марцінчык, вадзіцель Сяргей Глубокі.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае
С наступлением поздней осени на первый план выходит риск возникновения пожаров и чрезвычайных ситуаций в…
Пытанне: купляў на рынку куртку і папрасіў выдаць чэк. Прадавец сказаў, што не можа гэта…
Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…
Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…
На территории Дятловского района завершилось специальное профилактическое мероприятие «Дом без пожара», направленное на предупреждение пожаров…
У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…