З цёплымі словамі віншаванняў з надыходзячым Днём Незалежнасці Рэспублікі Беларусь і самымі добрымі пажаданнямі наведалі госці ветэрана Вялікай Айчыннай вайны Анастасію Салікаву з Вензаўца.
Ваенны камісар Дзятлаўскага раёна Генадзь Суравец уручыў ёй юбілейны медаль “75 гадоў вызвалення Беларусі ад нямецка-фашысцкіх захопнікаў”. Падзякавалі ёй за мужнасць і гераізм, адвагу і любоў да сваёй Радзімы старшыня Вензавецкага сельвыканкама Алег Шымко, старшыня раённага Савета ветэранаў Міхаіл Губар, першы сакратар раённага камітэта ГА “БРСМ” Кацярына Хілімончык, артысты мясцовага Дома культуры і школьнікі.
Анастасія Салікава ўзгадала ваенныя падзеі, якія змянілі яе жыццё і назаўсёды засталіся ў памяці.
Добра памятае пра вайну і Лідзія Белавус, якая цяпер жыве ў Гезгалах. Здароўе жанчыну не радуе, але аптымізму хапае, каб глядзець у светлую будучыню. Падбадзёрылі яшчэ больш ветэрана прадстаўнікі ваеннага камісарыята Дзятлаўскага раёна, адміністрацыя Жукоўшчынскага сельвыканкама, раённы Савет ветэранаў і раённы камітэт ГА “БРСМ”.
Начальнік групы тэрытарыяльнай абароны ваеннага камісарыята Дзятлаўскага раёна Аляксандр Бургун перадаў Лідзіі Белавус юбілейны медаль “75 гадоў вызвалення Беларусі ад нямецка-фашысцкіх захопнікаў”, а навучэнцы Гезгалаўскай сярэдняй школы кранулі ўсіх душэўнымі вершамі, сэнс якіх быў вельмі блізкі да сэрца ўдзельніцы Вялікай Айчыннай вайны.
Юлія БАКУНОВІЧ
81-ю гадавіну Перамогі савецкага народа ў Вялікай Айчыннай вайне дзятлаўчане сустрэлі Маршам памяці і ўрачыстым…
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…