Бяспечны Новы Год

Новы год – адно з самых любімых святаў у дзяцей і многіх дарослых. Але нават у час святочнай весялосці не варта забываць пра бяспеку.

Паважаныя жыхары раёна! Каб у Новы год і Каляды адбылося як мага менш пажараў і няшчасных выпадкаў, ратаўнікі з 7 па 30 снежня правядуць акцыю «Бяспечны Новы год».

Яна пройдзе ў чатыры этапы. Першы стартаваў 7 снежня і завяршаецца 12 снежня. Праходзіў ён у філіяле “Санаторый “Радон” ААТ “Белаграздраўніца”.

На другім – з 14 па 20 снежня – ратаўнікі раскажуць аб правілах зімовай бяспекі ў агульнаадукацыйных установах, установах пазашкольнай работы, дзіцячых дамах сямейнага тыпу.

З 21 па 24 снежня, на трэцім этапе, работнікі МНС нагадаюць аб бяспечным выкарыстанні феерверкаў у месцах продажу піратэхнічных вырабаў на лядовых пляцоўках, у дзіцячых установах аховы здароўя.

Фінальны этап акцыі пройдзе перад самым Новым годам, з 29 па 30 снежня ў гандлёвым цэнтры “Родны кут”. У ходзе акцыі запланаваны конкурсы, забаўляльныя праграмы, лекцыі, бяспройгрышныя латарэі.

Прымуць удзел у мерапрыемствах не толькі супрацоўнікі МНС, але і актывісты Беларускай моладзевай грамадскай арганізацыі ратаўнікоў-пажарных і добраахвотнікі з іншых зацікаўленых арганізацый, работнікі ўстановаў культуры.

А. БЕЛЕНКА,
інспектар Дзятлаўскага РАНС