Бацькам на заметку. Дзяцінству патрэбны не толькі гаджэты

Наш час характарызуецца цікавасцю непаўналетніх да ІТ-тэхналогій.

З адаго боку, гэта добра, бо дзіця расце і вучыцца выкарыстоўваць разумную тэхніку хутка і проста, у адрозненні ад прадстаўнікоў старэйшага пакалення. З другога, гадзіны за камп’ютарам пазбаўляюць падрастаючае пакаленне рухальнай актыўнасці, жывых стасункаў і карысных бытавых навыкаў.

Сваім меркаваннем на гэты конт падзялілася педагог-арганізатар Дзятлаўскага раённага цэнтра дадатковай адукацыі дзяцей і моладзі Ірына Мішчанка: 

– Сучаснае дзяцінства ўсё часцей праходзіць перад экранам смартфона. Сацыяльныя сеткі, камп’ютарныя гульні і бясконцы інтэрнэт-кантэнт выцясняюць жывыя размовы і актыўны адпачынак. Пры гэтым лічбавае асяроддзе нясе не толькі забавы, але і сур’ёзныя рызыкі: кібербулінг, інтэрнэт-махлярствы, небяспечныя знаёмствы, уцягванне падлеткаў у супрацьпраўную дзейнасць, у тым ліку дроперства. Як дапамагчы дзіцяці не згубіцца ў гэтым патоку інфармацыі і правільна арганізаваць вольны час?

Адно з рашэнняў прапаноўвае Дзятлаўскі раённы цэнтр дадатковай адукацыі дзяцей і моладзі. У нас непаўналетнія могуць знайсці заняткі па інтарэсах, выйсці за межы школьнай праграмы і правесці свабодны час з карысцю. Робататэхніка, камп’ютарная графіка, блогінг, краязнаўства, валанцёрскія праекты – такія сучасныя кірункі дазваляюць не проста атрымліваць новыя веды, але і ствараць уласныя праекты, асвойваць тэхналогіі, працаваць у камандзе. Замест пасіўнага знаходжання ў інтэрнэце – рэальныя задачы, дасягненні і сябры па інтарэсах. Карысць падобных заняткаў не абмяжоўваецца набыццём новых навыкаў. Даследаванні канадскіх вучоных з удзелам больш за 28 тысяч падлеткаў паказалі, што дзеці, якія наведваюць арганізаваныя пазашкольныя гурткі, у сярэднім менш часу надаюць забаўляльнаму экраннаму кантэнту. У іх адзначаліся пазітыўныя адносіны да жыцця, менш праяўляліся сімптомы трывожнасці і дэпрэсіі. Гэта яшчэ адзін аргумент на карысць таго, што цікавая справа і жывыя стасункі важныя для псіхалагічнага здароўя.

Сёння ў Беларусі працуюць 224 цэнтры дадатковай адукацыі, у якіх амаль 348 тысяч дзяцей займаюцца ў аб’яднаннях па інтарэсах. Дзятлаўскі цэнтр – частка гэтай вялікай сістэмы, задача якой пры насычанай школьнай праграме знаходзіць час для любімай справы.

Паважаныя бацькі, не дазваляйце смартфону замяняць дзецям сяброў і карысныя захапленні. Падтрымлівайце іх інтарэсы, дапамагайце знаходзіць аднадумцаў. Дзятлаўскі цэнтр дадатковай адукацыі гатовы стаць месцам, дзе вольны час дзіцяці ператвараецца ў магчымасці для развіцця, сустрэч, новых дасягненняў.

Даведацца больш падрабязна пракірункі работы, дзейнасць аб’яднанняў і магчымасцях заняткаў можна па адрасе: г. Дзятлава, вул. Чапаева, 18, або па тэлефоне 6-69-48. Інфармацыю аб рабоце аб’яднанняў ва ўстановах адукацыі можна ўдакладніць у педагогаў.

Ірына СТЫРНІК   

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga  

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

5 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

5 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

5 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

18 часов ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

18 часов ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

19 часов ago