Алея ад дэпутатаў і членаў моладзевага парламента

22 красавіка 2021 года стала знакавай датай для нашага горада, бо ў гэты дзень у Дзятлаве была рэалізавана карысная ініцыятыва членаў моладзевага парламента пры раённым Савеце дэпутатаў – высаджана алея каля абеліска Славы.

Удзел у пасадцы дрэўцаў каля помніка прынялі 5 дэпутатаў раённага Савета дэпутатаў на чале са старшынёй Аляксандрам Бараноўскім, 8 членаў моладзевага парламента з каардынатарам дзейнасці Ірынай Мішчанка, першы сакратар раённага камітэта ГА “БРСМ” Кацярына Хілімончык, намеснік дырэктара ДЛГУ “Дзятлаўскі лясгас” па ідэалагічнай рабоце Аляксей Урбановіч.

Як зазначыў Аляксандр Бараноўскі, для пасадкі была выбрана рэдкая для нашага раёна парода дрэў – лістоўніца. Спыніць выбар менавіта на ёй у час асабістага прыёму ў старшыні райвыканкама Андрэя Садоўскага прапанавала ляснічы Лявонавіцкага лясніцтва Ірына Міміш. А ініцыятыва пасадзіць алею разам з дэпутатамі райсавета ў час нядаўняга сумеснага пасяджэння прагучала ад членаў моладзевага парламента ў рамках раённага праекта “Парламенцкі фармат у дзеянні”, прымеркаванага да Года народнага адзінства.

– Колькасць дрэўцаў сімвалічная – 21 саджанец, – патлумачыў Аляксандр Бараноўскі. – Гэта і наша 21 стагоддзе, і 2021 Год народнага адзінства, ёсць яшчэ адна важная дата – 80-годдзе пачатку Вялікай Айчыннай вайны. Менавіта ў памяць аб загінулых абаронцах горада і земляках у Дзятлаве ўзведзены абеліск Славы, дзе сёння высаджваем лістоўніцы. Таксама 22 красавіка адзначаецца Дзень Зямлі, калі па ўсім свеце людзі традыцыйна саджаюць дрэўцы. Як бачым, нагодаў для мерапрыемства шмат, аднак галоўнае, што ініцыятыву праявіла падрастаючае пакаленне. Сумесных карысных спраў у юнакоў і дзяўчат з дэпутатамі райсавета пакуль было няшмат, але мяркуем, у далейшым стане больш. Гэта можа быць навядзенне парадку на зямлі, збор смецця, высадка дрэўцаў і многае іншае. Галоўнае, каб дзеці ўносілі дастойны ўклад у развіццё сваёй малой радзімы.

– У скарбонцы добрых спраў маладых парламентарыяў – больш за 70 рэалізаваных праектаў, – зазначыла каардынатар дзейнасці, метадыст Цэнтра творчасці дзяцей і моладзі горада Дзятлава Ірына Мішчанка. – У час нядаўняй фарсайт-сесіі “Мы – грамадзяне Рэспублікі Беларусь” прагучала чарговая цікавая ідэя: разам з дэпутатамі пасадзіць у горадзе алею. З ёю мы і звярнуліся да Аляксандра Бараноўскага. Радуе, што сёння каля абеліска Славы застанецца расці 21 маладое дрэўца. Лістоўніцы будуць нагадваць нам пра подзвігі продкаў і добрыя справы сучаснікаў, каб неразрыўнай заставалася повязь пакаленняў.

Сваімі ўражаннямі падзяліліся і іншыя ўдзельнікі мерапрыемства.

Марына Бортка, дэпутат раённага Савета дэпутатаў:

– Няхай дрэўцы растуць вялікімі, моцнымі, здаровымі. І няхай у нашай краіне ўсе будуць здаровымі. Пасадзіць маладзенькія саджанцы не вельмі складана, затое пасля шмат гадоў дрэвы будуць радаваць нас сваёй прыгажосцю, тым больш, што лістоўніцы для Дзятлава – пакуль рэдкасць.

Данііл Гародка, член моладзевага парламента, навучэнец гімназіі № 1 горада Дзятлава:

– Сваё дрэўца я пасадзіў упершыню ў жыцці і атрымаў ад гэтага вялікае задавальненне. Думаю, такі вопыт абавязкова спатрэбіцца мне ў далейшым. Цудоўна, што ініцыятыва моладзевага парламента была падтрымана, і мы разам з дэпутатамі раёна сёння ажыццявілі такую карысную справу.

Анастасія Шавель, член моладзевага парламента, навучэнка сярэдняй школы № 3 горада Дзятлава:

– Настрой цудоўны! Вельмі спадабалася мерапрыемства. Цяпер 21 дрэўца будзе расці і радаваць дзятлаўчан. Падобныя справы лічу вельмі важнымі як для самой моладзі, так і для нашага горада. Спадзяюся, што і надалей моладзевы парламент будзе прымаць самы актыўны ўдзел у падобных акцыях.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

administrator

Recent Posts

Холода не прощают беспечности

С наступлением поздней осени на первый план выходит риск возникновения пожаров и чрезвычайных ситуаций в…

11 часов ago

Ведае ўчастковы. Дайце, калі ласка, чэк

Пытанне: купляў на рынку куртку і папрасіў выдаць чэк. Прадавец сказаў, што не можа гэта…

11 часов ago

Праект “Жамчужыны зямлі Дзятлаўскай”. Таісія Сакалоўская: “Не магу сядзець без справы”

Творчы калектыў сектара нестацыянарнага абслугоўвання насельніцтва наведаў 80-гадовую юбілярку з аграгарадка Войневічы Таісію Сакалоўскую, каб…

11 часов ago

“Храму ведаў” гарпасёлка Наваельня 60 гадоў

Поўная зала сяброў, шчырыя пажаданні, цёплыя апладысменты, кранальныя ўспаміны, мілагучныя песні, памятныя падарункі – так…

1 день ago

В Дятловском районе завершилось специальное профилактическое мероприятие «Дом без пожара»

На территории Дятловского района завершилось специальное профилактическое мероприятие «Дом без пожара», направленное на предупреждение пожаров…

1 день ago

Тры дзесяцігоддзі, прысвечаныя людзям

У Новаяльнянскім сельскім выканаўчым камітэце на заслужаны адпачынак урачыста праводзілі кіраўніка спраў Ірыну Каспяровіч. Ірына…

1 день ago