Адбыўся навучальны семінар

У Камітэце дзяржаўнага кантролю Гродзенскай вобласці прайшоў навучальны семінар па тэме “Арганізацыя і правядзенне дзяржаўных закупак, закупак за кошт уласных сродкаў у адпаведнасці з заканадаўствам Рэспублікі Беларусь”.

Як паказваюць вынікі кантрольна-аналітычных мерапрыемстваў, якія праводзяцца Камітэтам дзяржаўнага кантролю Гродзенскай вобласці, парушэнні заканадаўства пры правядзенні і афармленні вынікаў працэдур закупак, як за кошт бюджэтных сродкаў, так і ўласных, выяўляюцца амаль у 100% выпадках.

Неабгрунтаванае адхіленне прапановаў удзельнікаў пры правядзенні падрадных таргоў і наадварот — допуск прапановаў удзельнікаў аўкцыёна, якія не адпавядаюць патрабаванням аўкцыённых дакументаў, правядзенне працэдур закупак пасля заключэння дагавораў куплі-продажу з пастаўшчыком і фактычнай пастаўкі абсталявання і аказання паслугаў, не правядзенне працэдуры дзяржаўнай закупкі. Маюць месца факты не размяшчэння паведамлення аб выніках праводзімых канкурэнтных працэдур закупкі, звестак аб колькасці і агульным кошце дагавораў на закупкі тавараў (работ, паслугаў), заключаных арганізацыяй, у адкрытым доступе ў інфармацыйнай сістэме “Тэндары”. І гэта не поўны пералік парушэнняў, якія выяўляюцца Камітэтам.

У Камітэт звяртаюцца суб’екты гаспадарання па дапамогу і кансультацыі па выбары той ці іншай працэдуры.
Таму наспела неабходнасць правядзення навучальнага семінара, які дапамог бы абазначыць асноўныя праблемныя моманты, абмеркаваць неадназначныя сітуацыі і вызначыць рашэнне ў адпаведнасці з заканадаўствам.

У ходзе семінара выступоўцы спыніліся на парушэннях, якія выяўляюцца ў ходзе праверак, а таксама аб адказнасці, якая прадугледжана за парушэнне заканадаўства ў сферы закупак, у тым ліку за кошт уласных сродкаў. У форме круглага стала былі абмеркаваны і дадзены адказы на хвалюючыя пытанні ўдзельнікаў семінара.

А. САДАЎНІЧЫ,
першы намеснік старшыні Камітэта дзяржкантролю Гродзенскай вобласці