Дзевяноста… Дзень нараджэння ці веха ў жыцці? І тое, і другое, калі чалавек поўны энергіі, прагі пазнання, любові да свету і людзей.
Магчыма, не раз задумаўся пра сэнс існавання, узважыў перажытыя гады, прааналізаваў усе за і супраць. І зразумеў, што пражыў не дарэмна, выхаваў не адно пакаленне людзей, што смела і ўпэўнена крочаць па жыцці, праслаўляючы сябе і сваю родную Беларусь. Такім чалавекам, педагогам, выхавальніцай са шчырай і адкрытай душой заўсёды была Ала Сцяпанаўна Дактарэнка, якой сёння споўнілася 90 гадоў. Павіншаваць яе прыйшлі начальнік аддзела адукацыі райвыканкама Марына Лашкоўская, дырэктар сярэдняй школы № 3 горада Дзятлава імя І. Ю. Філідовіча Іван Кібінь, прадстаўнікі Дзятлаўскага раённага савета ветэранаў Генадзь Суравец і Ядзвіга Гушча, а таксама старшыня савета ветэранаў педагагічных работнікаў раёна Алена Абрамчык.
Шчырыя словы, усмешкі, цудоўны, святочны настрой панавалі ў кватэры Алы Сцяпанаўны, чалавека-легенды, аднаго са старэйшых педагогаў раёна. Прысутныя былі прыемна здзіўлены бадзёрасцю духу юбіляркі, яе аптымізмам і жаночай элегантнасцю. Гучалі словы віншаванняў, вершы і песні, а таксама ўспаміны пра тыя далёкія часы маладосці, калі жанчына працавала ў Дзятлаўскай школе-інтэрнаце. Яе і сёння помняць выхаванцы Васіль Бортнік, наш знакаміты зямляк, мастак з Расіі, Віктар Акушка, Іван Шчотка, Сяргей Бяляк і многія іншыя. І пры выпадку стараюцца наведаць сваю выхавальніцу.
– Добра памятую Алу Сцяпанаўну, – расказвае Васіль Бортнік. – Яна працавала не ў маёй групе, але ў школе-інтэрнаце мы ўсе былі адной сям’ёй, дружнай і зладжанай, заўсёды на віду ў нашых педагогаў. Яны замянілі нам бацькоў. Таму ад душы віншую імянінніцу з юбілеем. Здароўя ёй і доўгіх гадоў жыцця.
Мы таксама жадаем Але Сцяпанаўне сустрэць стогадовы юбілей на сваіх нагах і з яснай галавой, як яна сама таго сабе пажадала.
Алена АБРАМЧЫК,
старшыня савета ветэранаў педагагічных работнікаў Дзятлаўскага раёна
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее #нашалепшае #годбелорусскойженщины
Дыялогавая пляцоўка “7 лістапада: гісторыя, якую мы захоўваем” прайшла ў раённай бібліятэцы. Дзятлаўчане сабраліся, каб…
Напярэдадні свята сельскай гаспадаркі і перапрацоўчай прамысловасці аграрыі і жывёлаводы Дзятлаўшчыны адправяцца ў Гродна, каб…
У каждого края есть имена, которые выходят далеко за пределы родных границ, становясь предметом гордости…
С наступлением осенне-зимнего периода социальные работники и помощники по уходу отделения социальной помощи на дому…
Президент Беларуси Александр Лукашенко совершит рабочую поездку в Могилевскую область, где ознакомится с реализацией современных…
Жыхары вёскі Руда Яварская атрымалі цудоўны падарунак да 7 лістапада. https://www.youtube.com/embed/L4pgyoMLO2A Напярэдадні свята з удзелам…