Аб бяспецы цікава
У аздараўленчым летніку “Весяльчак” Круцілавіцкай сярэдняй школы адбылася пазнавальная сустрэча выхаванцаў з інспектарам інспекцыі па справах непаўналетніх Мікалаем Філіповічам. Ён нагадаў дзецям, як паводзіць сябе з незнаёмымі людзьмі, даў парады, як пазбегнуць канфліктаў. Цікавай і запамінальнай стала віктарына “Правілы бяспечных паводзінаў”.
У падарожжа з “Эрудытам”
У гімназіі № 1 горада Дзятлава пачаў сваю работу аздараўленчы летнік з дзённым знаходжаннем “Эрудыт +”.
На працягу змены дзецям прапанавана стаць удзельнікамі Турфэста 17: гісторыя і сучаснасць у рамках праекта “30 дзён да Дня Незалежнасці Рэспублікі Беларусь”. Гэта займальнае і пазнавальнае падарожжа дапаможа гімназістам пабываць ва ўсіх гарадах Гродзеншчыны, даведацца пра іх гісторыю. Штодня яны будуць запаўняць карту вобласці адным элементам-пазлам, на якім размешчаны ўмоўныя абазначэнні гістарычных, культурных каштоўнасцяў. Ствараючы QR-коды, выхаванцы змогуць пазнаёміцца з інфармацыяй, неабходнай для падарожжа, і падзяліцца ёю з сябрамі.
Падрыхтавала Таццяна САНЮК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga