У Дзень Перамогі над горадам, песня, гучы! (+відэа)

Праграму святочных мерапрыемстваў да Дня Перамогі ў Дзятлаве прадоўжыла арт-платформа “У шэсць гадзін вечара пасля вайны”.

Станоўчыя эмоцыі гледачам дарылі народны інструментальны ансамбль “Калейдаскоп” і выступленні выкладчыкаў Дзятлаўскай дзіцячай школы мастацтваў.

З гала-канцэртам з сімвалічнай назвай “У сэрцы ты ў кожнага, Перамога!” на святочную сцэну ў райцэнтры выйшлі пераможцы фестывалю патрыятычнай творчасці “У сэрцах пакаленняў”.

Безумоўна, не абышлося і без падарунка ад гасцей. Яго для дзятлаўчан падрыхтавалі ўдзельнікі сталічнага казацкага ансамбля “Бацька атаман”. Заліхвацкія танцы, песні, мелодыі нікога не пакінулі раўнадушнымі.