У рамках рэалізацыі раённага праекта “Суботняя карусель, або колькі субот – столькі і праектаў” калектыў педагогаў і навучэнцаў Вензавецкай сярэдняй школы шчыра вітаў прадстаўнікоў установаў адукацыі Дзятлаўшчыны на адкрытай субоце працоўнага выхавання і прафесійнай арыентацыі, якая прайшла пад дэвізам “А што ТЫ зрабіў для Беларусі?”.
Установай быў прадстаўлены рознабаковы спектр мерапрыемстваў, якія прапануюцца навучэнцам і іх законным прадстаўнікам падчас рэалізацыі праекта “Суботні дзень у аграгарадку”.
Прысутныя змаглі наведаць факультатыўны занятак “Уводзіны ў аграрныя прафесіі”, занятак прафесійнай падрыхтоўкі па вучэбным прадмеце “Працоўнае навучанне” па спецыяльнасці “Справавод”, гасцёўню музея “Кола часу”, дзе праводзіўся майстар-клас “Рыхтуем вярбу да свята”.
Сёлета наша краіна святкуе важную гістарычную дату – 80-годдзе вызвалення Рэспублікі Беларусь ад нямецка-фашысцкіх захопнікаў, таму калектыў педагогаў і навучэнцаў працуе над рэалізацыяй праекта “Гісторыя вайны ў гісторыі сям’і”, у рамках якога адбыліся пасяджэнне пошукавай групы “Яны набліжалі Перамогу” і практыкум па вырабе аб’ёмных прадметаў для дыярамы, а таксама акцыя “Памяць пакаленняў” і квэст-гульня “Раўненне на героя”.
Цэнтральным мерапрыемствам, якое аб’яднала ўсіх удзельнікаў шостага школьнага дня, стала дыялогавая пляцоўка “Дарога ў заўтра”, на якой навучэнцы 8 і 10 класаў і іх законныя прадстаўнікі мелі магчымасць атрымаць адказы на шматлікія пытанні па прафесійным вызначэнні ад кампетэнтных гасцей: Таццяны Анатольеўны Дорда, намесніка начальніка ўпраўлення па працы, занятасці і сацыяльнай абароне райвыканкама, Наталлі Пятроўны Тамашовай, намесніка дырэктара па вучэбнай рабоце Вензавецкай сярэдняй школы, Віктара Віктаравіча Петрукевіча, начальніка ІСН Дзятлаўскага РАУС, Аляксандра Анатольевіча Беленкі, намесніка начальніка РАНС г. Дзятлава і Дзмітрыя Часлававіча Ваніслаўчыка, ляснічага Вензавецкага лясніцтва.
Скончыўся суботні дзень ва ўстанове самым яркім мерапрыемствам – акцыяй “А што ТЫ зрабіў для Беларусі?”, падчас якой усе ўдзельнікі шостага школьнага дня сумесна з гасцямі пасадзілі алею Памяці з 15 вішнёвых дрэў.
Наталля БЛОЦКАЯ,
намеснік дырэктара па выхаваўчай рабоце Вензавецкай сярэдняй школы
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
