Жыхар горада Дзятлава, будучы карыстальнікам глабальнай сеткі Інтэрнэт, зарэгістраваным пад сваім уласным імем у сацыяльнай сетцы “ВКонтакте”, распаўсюдзіў на сваёй старонцы інфармацыйную прадукцыю групы, якая рашэннем суда прызнана экстрэмісцкай і ўключана ў рэспубліканскі спіс экстрэмісцкіх матэрыялаў.
Правапарушальнік на судовым пасяджэнні віну не прызнаў, не адмаўляючы таго факту, што на групу быў падпісаны і матэрыяламі, якія там размяшчаюцца, цікавіўся.
З улікам усіх абставінаў справы судом прызначана пакаранне ў выглядзе максімальнага памеру адміністрацыйнага штрафу – 30 базавых велічыняў з канфіскацыяй мабільнага тэлефона.
За перыяд з 2021 па 2023 год судом за здзяйсненне аналагічнага правапарушэння былі прыцягнуты да адміністрацыйнай адказнасці 12 грамадзян, 10 з іх да штрафу, па адным – да адміністрацыйнага арышту, грамадскіх работ. У 9 правапарушальнікаў былі таксама канфіскаваны мабільныя тэлефоны як прадмет адміністрацыйнага правапарушэння.
Грамадзяне, будзьце пільныя, не паддавайцеся дэструкцыйнаму ўздзеянню.
Вадзім ДУБРОЎСКІ,
старшыня суда Дзятлаўскага раёна
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
